Bushe Mwalishiba?
(Ifyasuko kuli ubu bwile kuti fyasangwa mu malembo ya Baibolo ayambwilwe, kabili umutande wa fyasuko fyonse ulembelwe pe bula 24. Ku fyebo fyalundwapo, moneni icitabo ca “Insight on the Scriptures,” icasabankanishiwa na Watchtower Bible and Tract Society of New York, Inc.)
1. Cinshi calengele Yesu ukukaanabombe milimo ya maka mu kati ka bantu ba mu calo ca ku mwabo? (Marko 6:5, 6)
2. Bushe fimenwa nshi fibili fyalumbwilwe na Yesu mu kulosha ku kupeele ca pe kumi ukwasakamanishisha ukwa baFarise? (Luka 11:42)
3. Bushe ni nama nshi yabomfiwe mu busesemo ku kulangisha ifyo Yesu aali no kuba “tondolo” lintu aalecushiwa? (Esaya 53:7)
4. Ni ani aali shimapepo mukalamba uwapokelele ubupingushi bwakosa pa mulandu wa kucindikisha abana bakwe abaume ukucila pali Yehova? (1 Samwele 2:27-29)
5. Cinshi cintu Yesu “akalipile,” ica kuti cashile nafyala wa kwa Simone kabili na o alipolele? (Luka 4:38, 39)
6. Ni kuli cinshi kuntu ubumi bwa buntunse ubwa lupita bwapashanishiwa, mu kupusanako no kubelelela kwa “cebo ca kwa Yehova”? (1 Petro 1:24, 25, NW)
7. Abena Israele baliile mana umuku wa kubalilapo kabili ifunde lye Sabata lyatendeke ukubomba mu mpanga ya matololo nshi? (Ukufuma 16:1, 13-31)
8. Fintu nshi fimo ifyo utulubi tushingacita? (Ilumbo 115:5-7)
9. Pa mulandu wa kuti bafililwe ukushisha no kucindika Lesa pa menshi ya Meriba, ni bani baleshiwe ukwingila mu Calo Calaiwe? (Impendwa 20:12)
10. Cilundwa nshi ica mubili icibomfiwa mu mampalanya ku kwimininako ukubomfyo bukose nelyo amaka? (Esaya 51:9)
11. Pa kulangisha ukupulamo kwa bushimapepo bwa kwa Kristu, cinshi cintu Paulo atile Lebi apeele ilyo aali acili mu musana wa kwa Abrahamu? (AbaHebere 7:9, 10)
12. Ni numbwilo nshi yabomfiwa muli Baibolo ku kulangilila ukuti imfumu ya bena Israele yaleimininako imitekele ya kwa Yehova iya teokrasi? (1 Imilandu 29:23)
13. Cinshi cintu cimo na cimo ica mu fya mweo fine ifya mu cimonwa ca kwa Yohane capalile? (Ukusokolola 4:7)
14. Cinshi calaalilile isonde pa numa Kaseebanya apooselwe ukufuma mu muulu? (Ukusokolola 12:12)
15. Ni nshila nshi yabomfiwe pa kwakanya Icalo Calaiwe pa kati ka mikowa 12? (Impendwa 26:55, 56)
16. Cuni nshi cakwata amenso yonse ayalolesha ku ntanshi, ukucilenga ukumona icintu na menso yonse yabili pa muku umo? (Ilumbo 102:6)
17. Cinshi cintu Timote alangile kuli bambi pa kutwalilila ukubiko mutima ku fintu fya ku mupashi? (1 Timote 4:15)
18. Cifulo nshi cintu Daniele akwete mu buteko bwa Babele? (Daniele 2:48)
19. Finshi fintu Adamu na Efa babilenye ku kupanga ifya kufwala? (Ukutendeka 3:7)
20. Pa kukomaila pa cishinka ca kukaanabomfya ululimi bubi bubi, cinshi cintu Yakobo atile umukunyu tawingatwala? (Yakobo 3:12)
21. Abantu balwala baali no kwikata fye ku lubali nshi ulwe laya lya kwa Yesu pa kuti baposhiwe? (Mateo 14:36)
22. Ifya mu muulu fyali no kubomba nge fya kulangilila finshi? (Ukutendeka 1:14)
23. Ni bani ukucilisha baali no kwishibikilwa ku bumi bwatekanya, ubwa mushilo ne milimo isuma? (Tito 2:2, 3)
24. Esaya atile abantu bali no kulekelelwa finshi, ica kuti ‘umwikashi wa mu calo tali na kusosa ati, Nindwala’? (Esaya 33:24)
25. Nangu cingati ilembo lintu ayambwile, Ilumbo 140:3, lya ilumbwile ati “ifwafwa,” lishina nshi ilya cinkumbawile ilya iyi nsoka ya busungu lintu Paulo abomfeshe? (Abena Roma 3:13)
26. Ni kalata nshi uwalenga 6 uwa muli alufabeti wa ciHebere?
27. Ni numbwilo nshi ibomfiwa ku kulekanya umo uushili muYuda? (Abena Roma 2:9, 10; moneni King James Version.)
28. Icabu ca ku Italy apo Paulo apoosele umulungu na Bena Kristu banankwe lintu aali pa bulendo bwakwe ubwa kuya kuli Kaisare caleitwa shani? (Imilimo 28:13, 14)
29. Paulo atupanda amano ukuti tulelolekesha amenso yesu pa fintu nshi ifya muyayaya? (2 Abena Korinti 4:18)
30. Cinshi cintu Abena Kristu bashifwile ukuicitila, apantu cikasakamanwa na Yehova? (Abena Roma 12:19)
31. Pa kukomaila pa bonaushi bwaba mu Gehena, cinshi ico Yesu aebele ati tacifwa mulya? (Marko 9:48)
Ifyasuko ku Bwile
1. Ukukanatetekela kwabo
2. Minte, anise
3. Impaanga
4. Eli
5. Impepo yakwe
6. Icani icibonsa
7. Amatololo ya Sini
8. Ukusosa, ukumona, ukumfwa, ukununsha, ukutonya, ukwenda
9. Mose na Aarone
10. Ukuboko
11. Ifya pe kumi
12. ‘Ukwikala pa cipuna ca kwa Yehova’
13. Inkalamo, iŋombe, umuntu, kapumpe
14. Akalanda
15. Ukupendula
16. Icipululu
17. Ukulunduluka kwakwe
18. Umulashi mukalamba
19. Amabula ya mukunyu
20. Amaolife
21. Ulusela
22. Inshita, inshiku, imyaka
23. Abaume na banakashi bakalamba
24. Amampuulu yabo
25. Insoka
26. Waw
27. Umwina fyalo
28. Puteoli
29. “Ifishimoneka”
30. Ukufwaya ukulandula
31. “Umutiti wabo”