Finshi Mwaishibapo Pali Yesu?

Umwanakashi wa myaka ya bukulu 84 uwikala mu United States asosele ukulosha ku Umuntu Wakulisha Uwabalile Abako Uwa Mweo, icitabo ca mabula 448 icilondolola pa lwa bumi bwa kwa Yesu Kristu ukuti: “Nalibelenga Baibolo onse pa nshita shalekanalekana, lelo icitabo ca Umuntu Wakulisha nacingafwa ukumfwikisha bwino ukubelenga kwandi ukwa Baibolo.” Ici citabo cilenga ubulondoloshi bwa Baibolo ubwa bumi bwa kwa Yesu ukubo bwa cine cine kuli wene.

“Nshinaka ukubelenga ici citabo,” e fyo alembele. “Nalicibelenga imiku 7 kabili nintendeka ukucibelenga na kabili. Umutima wandi ulaseshiwa ku mibele yawamisha iya kwa Yesu. Lintu mbelenga ifipandwa filanda pa mulungu wa kulekelesha uwa kwa Yesu pe sonde, ndakalifiwa pa fintu bamusungile bubi bubi, ukucilisha mu kati ka maawala yakwe aya kulekelesha, na fintu afwile pa cimuti ca kucushiwilwapo. Lelo, akatamike Shifwe wa ku muulu, Yehova.”

Mu citabo ca Umuntu Wakulisha Uwabalile Abako Uwa Mweo, ukubombesha kwalicitwa ukwa kulemba ica kucitika icili conse mu bumi bwa kwa Yesu ubwa pe sonde icisangwa mu Malandwe yane. Kuti camwaafwa ukusambilila ifingi pa lwa kwa Yesu. Nga mwingatemwa ukukwatako ici citabo nelyo nga mwingatemwa ukukwata isambililo lya Baibolo ilya pa fye mu ŋanda mu mwenu, twapaapaata lembeleni ku Watch Tower, Box 33459, Lusaka 10101, nelyo ku keyala akalinga pe bula 5.