“Nshatemenwe Ukubelenga Loleni!”

E fyasosele umusambi umo uwa pa yuniversiti ya San Jose State University ku California, uusoma pa fya filengwa na Lesa. Atwalilila ukusosa ukuti: “Nalemona kwati magazini kuti yanshimikila ukuti—‘Uleya ku calici’ nelyo ‘Usanguke Inte ya kwa Yehova.’ Lelo, lintu nabelengele uyu Loleni! (uwa January 8, 1996, ‘Planeti Wesu Uuli mu Busanso—Bushe Kuti Apusushiwa?’), ku ca kupapusha yalikwete sana ifishinka! Ifipande fisanshamo icikope icisambilisha ica ‘Shimo Isha Mpika Shikalamba Isha mu Calo Isha Filengwa na Lesa,’ icilangisha incende ishilecushiwa no kukungule miti, ifisooso fya busanso, ukukowesha umwela, ukubulisha amenshi, ifinama ne filimwa mu busanso, no konaula umushili.

“Nshilakwatapo abana, lelo nalyo line, ndasakamikwa nga bakakwata umwela uusuma uwa kupeema, amapaaka ya kwangalamo, nelyo amenshi ya kupusukilako. . . . Ndemutasha pali ifi fipande.”

Loleni! nomba aleananishiwa amamilioni 18.3 mu ndimi 80, indimi 56 shisabankanishiwa pamo ne Cingeleshi. Nga kuti mwatemwa ukulabelenga uyu magazini lyonse, shi moneni Nte sha kwa Yehova uko mwikala, ukubomfya lamya nelyo ukuya ku Ng’anda ya Bufumu, nelyo lembeleni ku keyala akali mupepi na ku myenu ukufuma pe bula 5.