“E Citabo ca Kubalilapo Abalile Abelengapo”

Ilingi line Inte sha kwa Yehova mu Ukraine balalanda na balepembelela amashitima. Umwanakashi umo uwatemenwe Baibolo alitambikwe Icitabo Candi ca Malyashi ya mu Baibolo, ulupapulo ulubomfya ifikope ifingi mu kulondolola ilyashi lya kale ilya mu Baibolo umo lyakonkanina.

Inshita imbi pa citesheni cimo cine, uyu mwanakashi na kabili amwene Nte no kumutootela pa citabo, ukulondololo kuti: “Umwana wandi tatemenwe ukusoma ifitabo fyakwe ifya ku sukulu. Talefibelenga nangu fye panono. Lelo ilyo namupeele Icitabo Candi, amwene ifikope kabili afwaishe nga nshi ukucibelenga. Mu milungu fye mupepi na ibili aalibelengele icitabo conse. E citabo ca kubalilapo abalile abelengapo. Lelo icawamishepo, alisekelele pa kwishiba Lesa. Na ine wine ndesekelela pa kumona uku kwaluka muli wene. Napaapaata mpeleeniko ifya kubelenga na fimbi.”

Umwanakashi umbi aali naiminina mupepi kabili aumfwileko ili lyashi. Aipwishe nga kuti bamupeelako Icitabo Candi ca Malyashi ya mu Baibolo. Na imwe bene kuti mwakwatako ici citabo ca mabula 256 nelyo umuntu umo kuti amutandalila ku kulanshanya na imwe ubucindami bwa kusambilila Baibolo, pa kulembela ku Watch Tower, Box 33459, Lusaka 10101, nelyo ku keyala akali mupepi na kuntu mwikala akatantikwe pe bula 5.