Bushe Imipepele Yonse Itwala Kuli Lesa?

Amamilioni ya bantu basumina ukuti imipepele yonse yaba ni nshila shalekanalekana ishitwala ku cifulo cimo cine. Icishinka ca kuti, kwalibako ukupalana mu fisambilisho, ukusefya kwa ntambi, na balesa abapepwa. Ku ca kumwenako, moneni ici caimikwa ca mu mwanda wa myaka uwalenga 8 C.E. ica muHindu wa mu lushimi, uwa ku Kerala, India.

Icishili ca kutwishika ca kuti ing’ombe ishilume shalepepwa mu mipepele ya pa kale iingi. Ku ca kumwenako, ukulingana no muGriki kalemba wa lyashi lya kale Diodorus Siculus uwa mu mwanda wa myaka uwa kubalilapo B.C.E., lesa wa bena Amone Moleke na o akwete umubili wa muntu lelo umutwe wena wali wa ng’ombe iilume.

Mulandu nshi kwabelako ukupalana kwamonekesha mu mipepele yapusanapusana iya pano isonde ponse? Bushe iyi mipepele yafumine kumo kwine? Bushe mu cine cine misebo fye iyapusanapusana iitwala ku cifulo cimo cine? Bushe Lesa alisuminisha iyi mipepele yonse?

Ubulondoloshi bushaiwamina pa lwa kwafuma imipepele ikalamba iya mu calo na fintu yaisalunduluka ubusangwa mu citabo ca kuti Ukusapika Lesa Ukwa Mutundu wa Muntu bulaasuka ifyo fipusho. Nga mwingatemwa ukupokelelako ici citabo nelyo umuntu umo ukumutandalila ku mwenu ku kulanshanya cintu Baibolo isosa pali uyu mulandu, kuti mwalembela ku Watch Tower, Box 33459, Lusaka 10101, nelyo ku keyala kalinga pe bula 5.