Isubilo lya Mukashana Umwina Russia

UMUKASHANA wa myaka ya bukulu 15 uwikala mu musumba wa Ukhta mu Russia, uwakwata abekashi 100,000, kabili uwabela amakilomita 1,200 pa kati ka kapinda ka kulyo na kabanga ka Moscow, alumbulwile ukufwaisha kwaluma ukwa mibele yawaminako pe sonde. Alondolwele ici muli kalata ili pe samba intu atumine kwi ofesi lya Nte sha kwa Yehova mu Russia:

“Umunandi anjebele ukuti ulupapulo lwa Umuntu Wakulisha Uwabalile Abako Uwa Mweo lulanda pa bumi bwa kwa Yesu Kristu. Nalitemwa ifitabo fyenu, bamagazini, na babroshuwa. Lekeni nondolole icalengele ukuti mfitemwe. Catendekele pa poshiti ofesi lintu naile mu kusonkela radio na telefoni. E pantu nasangile trakiti pa nshi. Nalimutoola no kukuntako ifiko, kabili natampile ukubelenga iyi trakiti yaleti Mulandu Nshi Mu Bumi Mubelele Impika Shafulishe Fi?

“Nalibelengele pa lwa mafya no kucula abantu balepitamo, kabili icikope cali pali trakiti calelangililo bumi ubupya mu Paradise. Ndesubilo kuti ikesa kasuba kamo. Ndafwaisha ukumona abantu bonse bali ne nsansa, abaikushiwa, kabili abakwata ubutuntulu busuma kabili ndafwaisha ukwisamona balupwa abafwa. . . . Ndefwaya ukwishiba fintu mfwile ukucita pa kuti nkakwateko isubilo lya kwikala muli Paradise wa pe sonde. Napaapaata njebeni ifya kucita nelyo ntumineni ifitabo. Nkalipile sha fitabo pamo ne sha kutumina.”

Na imwe kuti mwapokelela ifitabo ifingamwaafwa ukukwata isubilo lyashangila ilyashimpwa pali Baibolo ilya bumi bwa mu paradise pe sonde. Nga mwingatemwa ukukwatako broshuwa wa Cinshi Cintu Lesa Afwaya Kuli Ifwe nelyo nga mwingatemwa umo ukwisa ku mwenu ku kusambilila Baibolo mu ng’anda apa fye, kuti mwalembela ku Watch Tower Society, Box 33459, Lusaka 10101, nelyo ku keyala yalinga ukufuma pe bula 5.