Loleni!—“Icibombelo Cacindama Kabili Icakabilwa”

G. M. A. alembele ukuti: “Ndemutasha pa cipande cenu icaleti ‘RSD—A Puzzling, Painful Disorder,’ muli Loleni! (mu ciNgeleshi) iya September 8, 1997. Pamo ngo uucita lipoti amalyashi ya mu filye, ilingi line balanjita ukulemba ukulubulula kwa milandu iyalekanalekana kabili iyapikana. Ni nomba line fye nacitile lipoti pa lwa mulandu wa waishibisha ifya kufufya ubukali. Ifyo alandile fyonse fyashimpilwe pali RSD [Reflex Sympathetic Dystrophy]. Pa mulandu wa kubelenga lyonse Awake!, nalishibe apo pene amashiwi yabomfiwa muli RSD ne nshila sha kuyundapilamo, fyonse fyalilondololwa muli Loleni! ya mu September. Pa numa nali na maka ya kwebako ba ndubulwila bamo ababimbilwe muli ulya mulandu ifyali muli ici cipande.

“Ine mona Loleni! nge cibombelo cacindama kabili icakabilwa ku kutwalilila amasomo yandi. Ilanenga ukwishiba pa lwa minshipendwa ya malyashi.”

Nga kuti mwatemwa ukupokelela Loleni!, iyo nomba ilembwa mu ndimi 81, twapaapaata landeni ne Nte sha kwa Yehova ku ncende mwikalila nelyo lembeleni ku keyala kapalamina kuntu mwikalila akali pe bula 5.