‘Alelolela no Kufulukisha Paradise Mupya’

E fyasosele Aleksandr uwa myaka 14 muli kalata alembeele iofesi lya Watch Tower Society ku Russia. Aalipeelwe bamagazini ba Ulupungu lwa kwa Kalinda ne mpapulo shimbi ishalembwa ne Nte sha kwa Yehova. Muli kalata wakwe alondolwele ukuti:

“Ilyo naleya na bafyashi bandi ku Khabarovsk mwi shitima, Inte sha kwa Yehova shatendeke ukulanda na ifwe. Shatwebele ifingi pa lwa fyebo fya kusesema ifya mu Baibolo, inshiku sha kulekelesha, na pa lwa mweo wa muyayaya pano isonde.”

Uyu uwacaice asondwelele ukuti: “Te pa busuma ukwishiba ukuti nomba line ububifi bonse buli no kupwa kabili abantu bakalaikala kuli pe na pe pano isonde! Ndelolela no kulufukisha inshita lintu isonde likaba paradise wayemba. Kuti natasha nga nshi nga mwanembelako kalata ukunondwelela ifyo amasambililo ya Baibolo yatungululwa.”

Pambi na imwe kuti mwafwaya ukwishibilapo na fimbi pa lwa mifwaile ya kwa Lesa. Nga e fyo cili, isusheni umukululo uli pe samba no kutuma akapepala ku Watchtower, Box 33459, Lusaka 10101, nelyo akeyala kalinga pe bula 5.