Bushe Kuti Mwatemwa Ukusekesha Lesa?

Bushe mwaliba abaibukila pa fya ku mupashi ifyo ubumi bwenu bukabila? Bushe muyumfwa ukuti cimo calibulila mu calo umo ifyuma e fyacindamikwa? Bushe kuti mwatemwa ukwishiba Lesa no kuba cibusa wakwe?

Nalimo kuti mwatila, ‘Ee, lelo cinshi ningacita? Bushe ukubelenga no kumfwa Baibolo takwakosa?’ Bamo tababelenga bwino pantu nalimo ukukosa kwa mikalile kwalengele ukuti besambilila sana. Ni shani bengafwilishiwa ukwishiba Lesa ne fifwaikwa fyakwe ku bafwaya ubumi bwa muyayaya?

Mu 1996 Watch Tower Society yalifumishe ulupapulo lwitwa Cinshi Cintu Lesa Afwaya Kuli Ifwe? ululi nomba mu ndimi 211. Ni broshuwa yabalabata iya mabula 32, ne fiputulwa 16 ifyabamo ifyasuko fya Baibolo ifyaanguka ku fipusho fyapala: Lesa ni ani? Yesu Kristu ni ani? Cinshi caba imifwaile ya kwa Lesa kwi sonde? Ni shani fintu wingasanga ukupepa kwa cine? Kabili broshuwa ilanda pa fyo twingapalamina kuli Lesa mwi pepo ne fyo twingaipakisha ubumi bwa lupwa ubusekesha Lesa.

Nga kuti mwatemwa iyi broshuwa, tumeni aka kapepala.