Bushe Mwalishiba?
(Ifyasuko fya ifi fipusho filesangwa mu malembo ayesalilwe, kabili ifyasuko fyonse fili pe bula 29. Nga mulefwaya ukumfwilapo na fimbi, moneni ifitabo fya Insight on the Scriptures, ifyasabankanishiwa na Watch Tower Bible and Tract Society of New York, Inc.)
1. Mashiwi nshi Yesu alebomfya sana pa kuti bakomfwa bakwe bomfwe ifyebo fyakwe mu kulungika? (Mateo 5:18)
2. Ni kuli bani amashiwi ya kuti: “Uwacepesha akosesho kucila abantu umwanda umo, no wakulisha akosesho kucila abantu ikana limo” yalelosha? (1 Imilandu 12:8-14)
3. Lishina nshi maka maka ililumbulwa ilingi line nga balumbula amashina ya bakalwa bashipa aba kwa Davidi, Yoabu, Abishai, na Asaele? (2 Samwele 2:18)
4. Nelyo cingati umo kuti apatwa pa mulandu we shina lyakwe, Yesu asosele ukuti alingile ukucita cinshi pa kuti akapusuke? (Marko 13:13)
5. Bushe Hamani akwete abana banga, bonse bene abaipaiwe pa mulandu wa lufyengo lwakwe ku baYuda? (Estere 9:10)
6. Cibumbwa nshi ica mupashi icakumishe ilaka lya mulilo pa milomo ya kwa Esaya pa kuti abombe bwino umulimo wakwe uwa kusesema? (Esaya 6:6)
7. Nani ali “kaangalila wa pa ng’anda ya kwa Herode,” uwali no mukashi, Yoana, uwalepyungila Yesu? (Luka 8:3)
8. Mulimo nshi untu Paulo akoseleshe abaume mu cilonganino ukutinamina? (1 Timote 3:1)
9. Imimana ine ‘iyatulile mu mumana wa mu Edene’ yaleitwa shani? (Ukutendeka 2:10-14)
10. Paulo atile icitutumushi cinono kuti cacita cinshi? (Abena Galatia 5:9)
11. Abana ba kwa Noa batatu uko “abantu pano isonde ponse” bafuma bali ni bani amashina? (Ukutendeka 9:18,19)
12. Wishi wa kwa kasesema Samwele ali nani? (1 Samwele 1:19, 20)
13. Imbuli shikalamba shalelwikwa mupepi na musumba nshi uwali bushilya bwa mupokapoka wa Yesreele? (Abapingushi 5:19)
14. Milimo nshi abena Gibeone bapeelwe ilyo bapuswike pa mulandu wa bucenjeshi bwabo? (Yoshua 9:27)
15. Lishina nshi ilyaibela ilyo Yesu apeele abasambi bakwe 12 abo asalile umwine? (Mateo 10:2)
16. Malumbo nshi aya kwa Yesu fye ayo aebele abasambi bakwe ukuti tabafwile ukwitilwako? (Mateo 23:8, 10)
17. Ni mu calo nshi Paulo alembele ibuuku lya AbaHebere? (AbaHebere 13:24)
18. Mu nshita sha ku kale, ni kwi balepumina ingano pa kushilekanya ku mitwe ya mpimbili ne misungu? (Ruti 3:3)
19. Ni pa milandu nshi bamunyina kwa Yosefe bamupatiile? (Ukutendeka 37:3-11)
[Akabokoshi pe bula 29]
Ifyasuko
1. “Ndemwebe cine cine”
2. Abaume ba bulamba aba mu bena Gadi abaipaatwilile kuli Davidi mu matololo ilyo alebutuka ukufuma ku Mfumu Shauli
3. Nyinabo, Seruya
4. Ukushipikisha ukufika na ku mpela
5. 10
6. Umo uwa baserafi
7. Kusa
8. “Bucilolo”
9. Pishone, Gihone, Hidekele, na Yufrate
10. Citutumusho mufuba onse
11. Shemu, Hamu, na Yafete
12. Elkana
13. Megido
14. Baishileba “aba kutebe nkuni kabili aba kutapila amenshi ku lukuta lonse,” na ku cipailo ca kwa Yehova
15. Abatumwa
16. Rabi na Intungulushi
17. Italia
18. Ku cipuulilo
19. Ni pa mulandu wa kuti wishi alimutemwishishe na pa mulandu wa filoto alotele