“Nalitemwa Ifyo Ilanda pa Fintu”

Ifi e fyalandile shimakwebo wacaice uwa ku Yucatán, mu Mexico, ukulola ku fyo magazini wa Loleni! alondolola amalyashi. Muli kalata alembele alondolwele ukuti Nte uo babomba na o pa kampani ka inshuwalansi e wamulangileko Loleni! umuku wa kubalilapo.

Ukulosha kuli Loleni!, alandile ukuti: “Mwaliba ifyebo fine fine ne cine. Nalitemwa ifyo ilanda pa fintu, pantu tailemenena ku musango uuli onse uwa bupolitiki kabili tayacindikisha abantu bamo ukucila abanabo. Nalisanga ifyasuko ku mafya yandi ukupitila mu kubelenga uyu magazini. Ulu ulupapulo lwaba lwa kucebusha, kabili lwa mulinganya, lulanda pa fya ndakai kabili lwa kunonsha. Ndemutotela icine cine ukufuma pa nshi ya mutima!”

Imyaka imo ku numa, Loleni! yalandile pa fyo cayafya nga wafwilwa umutemwikwa. Ifyo fyebo fyalilembelwe na kabili muli broshuwa wa kuti Ilyo Untu Watemwa Afwa. Nakalimo imwe nelyo uyo mwaishiba kuti asansamushiwa pa kubelenga uyu broshuwa wa mabula 32. Nga mulefwaya ukukwatako uyu broshuwa, kuti mwalemba pali aka kapepala pe samba ku keyala kalipo nelyo ku keyala kalinga ukufuma pe bula 5 ilya uno magazini.

◻ Muntumineko broshuwa wa Ilyo Untu Watemwa Afwa.

◻ Kuti mwaisalanda na ine pa lwe sambililo lya Baibolo ilya pa fye.