Icingamwafwa Ilyo Umutemwikwa Wenu Afwa

Imyaka iingi iyapitapo, Inte sha kwa Yehova shalisabankanya broshuwa alanda pa mafya na pa fyo mwingashipikisha ilyo umutemwikwa wenu afwa. Nomba line fye twapokelele kalata wa kutasha ukufuma kuli kabelenga umo uwa mu Federal Republic of Yugoslavia, uwalembele ati: “Ndefwaya ukumutasha ukufuma ku mutima pali broshuwa wa, Ilyo Untu Watemwa Afwa. Alikolobonda mu fingi pa lwa mfwa ya mutemwikwa.”

Uwalembele kalata atile: “Ilyo ndume yandi afwile mu busanso bwa pa musebo, broshuwa yalingafwile, ukwafwa uko nakabile sana.” Icipande citila, ‘Imitubululo Imo Iibomba,’ icaba pe buula 18, calinsansamwishe icine cine. Lelo, pa numa ya myeshi ine, natendeke ukukalipwa sana no kumfwa ubulanda. Nalitiinine nati ici kuti caleta ubwafya ku mubili wandi.

“Na kabili natendeke ukubelenga uyu broshuwa, kabili pe bula 9 pa mukululo utila ‘Imibombele ya Kumfwo Bulanda,’ namwene ukuti iyi nshita ya kushikatala isanshamo ubulanda no kufuluka. Nalisansamushiwe icine cine. Ndetasha sana pa nkumbu shenu isho mwalanga ukupitila muli uyu broshuwa.”

Napamo imwe nelyo untu mwaishiba kuti asansamushiwa na o ilyo abelenga uyu broshuwa wa mabula 32. Kuti mwapokelelako uyu broshuwa nga mwalemba pa kapepala kali pe samba no kutumina ku keyala kalangililwe nelyo ku keyala kalinga ukufuma pe bula 5 ilya uno wine magazini.

□ Ntumineniko broshuwa wa Ilyo Untu Watemwa Afwa.

□ Mukwai kuti baisamona pa kuti twatendeka ukusambilila Baibolo pa ng’anda.