Icitabo ca Bacaice

Umusambi waba pa yuniversiti ya mu Arkhangelsk alembele kalata ku maofeshi ya Nte sha kwa Yehova mu Russia. Alondolwele ukuti apokelele magazini wasabankanishiwa ne Nte ku muntu akumenye pa musebo. Alembele ati: “Yanengele ukutontonkanya pa bumi na pa fyo naishiba pali Lesa na pa mipepele. Nomba ndefwaya ukusambilila Baibolo. Ndefwaya ukusambilila ifyafulilako pa muntu uwapeele ubumi bwakwe pa mulandu wa membu shesu pa kuti twingapusuka, nangula tatwishiba.”

Kalata wakwe atwalilila ukuti: “[BaNte] mulebomba umulimo uwacindama sana, no kucilisha pa kulondolwela abaice ifya kulekanya ubusuma no bubi. Na kabushe, abacaice balangufyanya ukucita ifili fyonse ifyo bamona nelyo ukuumfwa.” Apo alikwata abaice bakwe babili, umwaume no mwanakashi, uyu mukashana alombele ukumutumina icitabo ca Ifipusho Abacaice Bepusha—Ifyasuko Fibomba. Atile: “Nde-enekelo kuti cikabafwa ilyo bali pa sukulu lyene na mu bumi bwabo bonse.”

Na imwe bene kuti mwakwatako ici citabo, icapayanishiwilwa ku kwafwa abacaice ukupwisha mafya balekumanya ilelo. Isushisheni akabokoshi kali pe samba kabili tumeni ukubomfya akeyala kali mu kabokoshi nelyo ku keyala kalinga ukufuma pe bula 5 ilya uno magazini.