Amano ya Mfumu Solomone

● Kafundisha aipwishe aba mwi kalashi lya ba gredi 4 ukulanda ifyo baishibe pa Mfumu Solomone iyalandwapo mu Baibolo. Sheena umukashana uwa myaka 9 atile, ali ni mfumu ya mano kabili alondolwele ifyo apwishishe ubwafya ubwa banakashi abalelwila umwana. Ilyo abo asambilila nabo baumfwile ifyo Solomone ali no kucita pa kupwisha ubwafya, pa kubala balikankamene lelo kafundisha atile alicitile bwino sana.

Sheena alondolwele ukuti asambilile ifi ilyo abelengele ibuuku ilitila Icitabo Candi ca Malyashi ya mu Baibolo, umwaba ne lyashi lilanda pa mano ya kwa Solomone. Sheena alondolwele ati “Abo nalesambilila nabo 6 balefwaisha ukukwata ili buuku umwaba amalyashi ya mu Baibolo.” Alandile no kuti: “Bakafundisha nabo banjebele ukuti nkabapeeleko limo. E ico napeele abantu amabuuku 7.”

Na imwe kuti mwaipusha ukuti bakamutumine icitabo citila Icitabo Candi ca Malyashi ya mu Baibolo, umwaba amalyashi 116 ayalanda pa bantu na pa fyalecitika mu Baibolo. Nga mulefwaya ukumutuminako ici citabo, isushisheni mu kabokoshi no kutuma kuli adresi iya uko mwikala pe bula 5 muli ino magazini.

□ Mukwai ndefwaya mukantumineko ici citabo.

□ Lembenipo icitundu mulefwaya.