ILYASHI 32

Ifinkunka 10

LOLESHA pa fikope. Ifi ifikope filelangilila ifinkunka ifyo Yehova aletele pa bena Egupti. Pa cikope ca kubalilapo, pali Aarone ninshi nauma inkonto yakwe pa Mumana wa Naelo. Ilyo acitile ico, amenshi yasangwike umulopa ne sabi lyalifwile kabili umumana watendeke ukununka.

Pharaoh waves his hands to get the frogs off his bed during the second plague

Mu cinkunka ca bubili, Yehova alengele bacula ukufuma mu Mumana wa Naelo. Bali fye monse, mu fitofu, mu fya kupangilamo umukate na pa busanshi. Ilyo ifyula fyafwile, abena Egupti balifilonganike kabili icalo cabo canunkile na pipi.

Lyena Aarone aumine inkonto pa nshi kabili ulukungu lwasangwike utushishi utupupuka utwalesuma abantu. Ici cali cinkunka ca butatu mu Egupti.

A woman is bitten by gnats during the third plague

Ifinkunka fyakonkapo fyacitikile fye abena Egupti beka. Icinkunka calenga 4, cali ca filunshi ifikalamba ifyaingile mu mayanda ya bena Egupti yonse. Icalenga 5 caishile pa finama fya bena Egupti. Ing’ombe, impaanga, ne mbushi fyalifwile.

Icakonkelepo, Mose na Aarone babuulile imito no kuipoosa mu mwela. Iyi imito yalengele abantu ne nama ukukwata utupute utubi. Ici cali cinkunka calenga 6.

Pa numa, Mose aimishe ukuboko mu muulu, na Yehova atumine imfula ya mabwe. Iyi imfula yali iikalamba icine cine, mu Egupti tamwatalile amulokapo imfula ya musango uyu.

Egyptians try to escape flies during the fourth plague

Animals of the Egyptians die during the fifth plague

Icinkunka calenga 8, cali ni makanta iingi. Takwatalile akuba makanta yafule fi mu Egupti. Iyi makanta yaliile fyonse ifyo imfula ya mabwe ishaonawile.

Icinkunka calenga 9, cali ni mfifi. Mu Egupti mwali imfifi iikalamba pa nshiku shitatu, lelo ukwaleikala abena Israele kwena kwali ulubuuto.

Na mu kulekelesha, Lesa aebele abantu bakwe ukubika umulopa wa twana twa mbushi nelyo utwa mpaanga pa muulu wa fiibi. Lyena malaika wa kwa Lesa alipitile mu Egupti. Pa ng’anda apo malaika amona umulopa pa muulu wa ciibi, taleipayapo nangu umo. Lelo pa mayanda yonse apashali umulopa pa muulu wa ciibi, malaika wa kwa Lesa aleipaya amabeli ya bantu ne nama. Ici cali cinkunka calenga 10.

Pa numa ya ici icinkunka, Farao aebele abena Israele ukufuma mu Egupti. Abantu ba kwa Lesa bonse bali-ipekenye ukuya, kabili ubushiku balimine ukufuma mu Egupti.

Ukufuma Ifipandwa 7 ukufika ku 12.