Ukufuma pa Mfumu ya Kubalilapo Ukushinta Ilyo Basendelwe mu Busha ku Babiloni

Shauli e wali imfumu ya bena Israele iya kubalilapo. Lelo Yehova alimukeene kabili asalile Davidi ukuba imfumu. Twalasambilila ifingi pali Davidi. Ilyo ali umwaice, alwile na Galyati uwali ipaka. Pa numa, abutwike Imfumu Shauli iyamupatile. Mu kuya kwa nshita, Abigaili umukashana umusuma alimukeenye ukucita icabipa.

Twalasambilila ifingi na pali Solomone, umwana wa kwa Davidi, uwaishileba imfumu ya bena Israele. Imfumu sha kubalilapo shitatu isha mu Israele, imo na imo yatekele imyaka 40. Ilyo Solomone afwile, abena Israele babakenye pabili. Kwali ubufumu bwa ku kapinda ka ku kulyo no bufumu bwa ku kapinda ka kuso.

Ubufumu bwa ku kapinda ka ku kuso ubwatekele imikowa 10 bwalyonawilwe na bena Asyria pa numa ya kuteka pa myaka 257. Lyena ilyo papitile imyaka 133, ubufumu bwa ku kapinda ka ku kulyo ubwa mikowa ibili bwalyonawilwe. Pali iyi nshita, abena Israele balibasendele mu busha mu Babiloni. Kanshi mu CIPANDE 4 twalalanda pa fintu ifingi ifyacitike mu myaka 510.