Ukutula pa Kubuuka kwa kwa Yesu Ukushinta Ilyo Paulo Bamukakile

Ilyo Yesu afwile, papitile inshiku shitatu no kubuuka abuuka. Pali bulya bushiku amonekele ku basambi bakwe imiku 5. Yesu atwalilile ukumonekela ku basambi pa nshiku 40. Na pa numa, aile ku muulu ninshi abasambi bakwe baletamba. Ilyo papitile inshiku 10, Lesa apongolwele umupashi wa mushilo pa basambi ba kwa Yesu abalelolela mu Yerusalemu.

Pa numa, abalwani ba kwa Lesa balengele abatumwa babapoosa mu cifungo, lelo malaika alibapuswishe. Umusambi Stefani balimupoolele amabwe ku balwani mpaka afwa. Twalalanda na pa fyo Yesu asalile umo pa balwani bakwe ukuba umubomfi wakwe uwaibela. Uyu muntu, e waishileba umutumwa Paulo. Pa numa ya myaka itatu na hafu ukutula apo Yesu afwilile, Lesa atumine umutumwa Petro ukuyashimikila Korneli no lupwa lwakwe abashali abaYuda.

Ilyo papitile imyaka 13, Paulo aimine ulwendo lwa kubalilapo ulwa kuya mu kushimikila. Pa lwendo lwa bubili, aile na Timote. Twalalanda na pa fisuma ifyo Paulo na bo ale-enda nabo mu kushimikila balesanga mu mulimo wa kwa Lesa. Na mu kulekelesha, Paulo balimukakile mu Roma. Pa numa ya myaka ibili, balimufumishe mu cifungo. Lelo alibwelelemo na kabili basuka bamwipaya no kumwipaya. Ifyo twalalandapo mu CIPANDE 7 fyacitike mu myaka nalimo 32.