Ukusondwelela

UKULANGULUKA kwakumanina ukwa fisumino fya mipepele ya Nte sha kwa Yehova takwingapeelwa muli uno broshuwa. Mu cifulo ca ico, tweseshe fye ukulondololako ifishinte fimo fimo fintu Inte basuminamo no kulanga mu kumfwika umusango wa kusonga kwa lupwa ukwambukila umusambi wenu nga ca kuti umo uwa bafyashi nelyo bonse babili ni baNte.

Inte sha kwa Yehova bakomaila nga nshi pa kulunduluka kwa ku mupashi ukwa bana babo. Kabili bacetekela ukuti ici cilatuninkisha ukulunduluka kwa bana babo mu nshila shimbi. Ifisambilisho fintu baikatililako ne fishinte bakonka fipeela ubumi bwabo ubupilibulo no kubaafwa ukubomba ne mpika shabo isha cila bushiku. Mu kulundapo, ifyo fisumino ne fishinte filingile ukubasesha ukwesha ukuba abasambi baswatuka kabili abekashi basuma ukupulinkana ubumi bonse.

Inte balatukuta ukukanaenekela ifishingabomba mu bumi, e co balacindamika nga nshi amasomo. E ico, balafwaisha ukubombela pamo na imwe ukufika pantu bengapesha. Ku lubali lwabo, mu mayanda yabo na mu fifulo fyabo ifya kupepelamo ukushinguluke calo, bakatwalilila ukukoselesha abana babo ukubombo lubali lwabo muli uku kubombela pamo ukwa kusandulula.