Isambililo 16

Ukupingulapo Kobe Ukwa Kubombela Lesa

Fintu nshi ufwile ukucita pa kuti wingasanguka cibusa wa kwa Lesa? (1, 2)

Ni shani fintu wingaipeela kuli Lesa? (1)

Ni lilali lintu ulingile ukubatishiwa? (2)

Ni shani fintu winganonka ubukose bwa kutwalilila ukuba uwa busumino kuli Lesa? (3)

1. Pa kusanguka cibusa wa kwa Lesa, ufwile ukwishiba bwino icine ca Baibolo (1 Timote 2:3, 4), ukucetekela ifintu usambilile (AbaHebere 11:6), ukulapila ku membu shobe (Imilimo 17:30, 31), no kwalula inshila yobe iya bumi. (Imilimo 3:19) Lyene ukutemwa kobe ukwa kuli Lesa kulingile ukukusesha ukuipeela we mwine kuli wene. Ici cilepilibula ukuti mwi pepo lya pa lobe, weka pa mbali ufwile ukumweba ifyo uleipeela kuli wene ku kucita ukufwaya kwakwe.—Mateo 16:24; 22:37.

2. Pa numa ya kuipeela we mwine kuli Lesa, ulingile ukubatishiwa. (Mateo 28:19, 20) Ulubatisho lulenga bonse ukwishiba ukuti waliipeela kuli Yehova. E co ulubatisho lwa abo fye abali abakalamba icalinga ukupingulapo ukubombela Lesa. Lintu umuntu alebatishiwa, umubili wakwe onse ulingile ukutumpikwa mu menshi pa kashita akanono.a—Marko 1:9, 10; Imilimo 8:36.

3. Pa numa ya kuipeela, Yehova akenekela iwe ukwikalilila ku bulayo bobe. (Ilumbo 50:14; Lukala Milandu 5:4, 5) Kaseebanya akesha ukukucilikila ku kubombela Yehova. (1 Petro 5:8) Lelo palamina kuli Lesa mwi pepo. (Abena Filipi 4:6, 7) Sambilila Icebo cakwe cila bushiku. (Ilumbo 1:1-3) Kakatila ku cilonganino. (AbaHebere 13:17) Ukupitila mu kucite fi fyonse, ukanonka ubukose bwa kutwalilila ukuba uwa busumino kuli Lesa. Muli fyo kuti wacita ifintu ifyo Lesa afwaya kuli iwe ku ciyayaya conse!

[Futunoti]