Bushe Mwakulacita Ifyo Yehova Afwaya?

Cawama ukuti namubelenga ino broshuwa kabili naimwafwa ukwishiba Inte sha kwa Yehova ne milimo tubomba ne fyo tubomba iyi milimo. Ifwile naimwafwa ukwishiba ukuti ni fwe tucita ukufwaya kwa kwa Yehova muno nshiku. Tulemukoselesha ukutwalila ukusambilila pali Lesa, no kulaebako ba lupwa lwenu ne fibusa ifyo mulesambilila, e lyo no kulalongana na ifwe lyonse.—AbaHebere 10:23-25.

Nga mwaishiba ifingi pali Yehova, e lyo mukeshiba ukuti alimutemwa sana kabili mukalafwaisha no kucita ifikalalanga ukuti na imwe mwalimutemwa. (1 Yohane 4:8-10, 19) Lelo, finshi mufwile ukulacita pa kulanga ukuti mwalimutemwa? Mulandu nshi cawamina ukulaumfwila amafunde yakwe? Kabili cinshi cikamwafwa ukulacita ifyo Lesa afwaya nge fyo tucita? Abamusambilisha Baibolo bakamwafwa ukusanga amasuko kuli ifi fipusho pa kuti imwe no lupwa lwenu “muleikalilila mu kutemwa kwa kwa Lesa, ilyo mulelolela . . . umweo wa muyayaya.”—Yuda 21.

Pa kuti mukatwalilile ukulalunduluka mu kupepa tulemukoselesha ukusambilila ne ci icitabo “Muleikalilila mu Kutemwa kwa kwa Lesa”.