Ukupituluka mu Cipande 4
Lanshanyeni amepusho yakonkapo na bamusambilisha:
Belengeni Amapinda 13:20.
Mulandu nshi cacindamina ukusala bwino ifibusa?
(Moneni Isambililo 48.)
Fyebo nshi ifyaba mu Baibo ifingamwafwa nga ca kuti . . .
mwalyupa nelyo mwalyupwa?
muli bafyashi nelyo muli bana?
(Moneni Isambililo 49 na 50.)
Milandile ya musango nshi iilenga Yehova alesekelela? Milandile ya musango nshi iifulwisha Yehova? (Moneni Isambililo 51.)
Mashinte nshi aya mafunde ya mu Baibo ayengamwafwa ilyo mulesala ifyo mwalafwala ne fyo mwalaiyemfya? (Moneni Isambililo 52.)
Finshi mwingacita pa kuti mulesala ifya kuleseshamo icitendwe ifingalenga Yehova alesekelela? (Moneni Isambililo 53.)
Belengeni Mateo 24:45-47.
Bushe “umusha wa cishinka kabili uwashilimuka” ni nani?
(Moneni Isambililo 54.)
Kuti mwabomfya shani inshita yenu, amaka e lyo ne fintu fimbi ifyo mwakwata ku kutungilila icilonganino?
(Moneni Isambililo 55.)
Belengeni Amalumbo 133:1.
Finshi fimo ifyo mwingacita ifingalenga mu cilonganino mwaba ukwikatana?
(Moneni Isambililo 56.)
Finshi tufwile ukucita pa kuti Yehova atwafwe nga twacita ulubembu ulukalamba?
(Moneni Isambililo 57.)
Belengeni 1 Imilandu 28:9.
Kuti mwalanga shani ukuti mwalitemwa Yehova “no mutima onse” nga ca kuti abantu balelanda ifyabipa pa kupepa kwa cine nelyo nga baleka ukubombela Yehova?
Bushe kuli ifili fyonse ifyo mulingile ukucita pa kuti mutwalilile ukuba aba cishinka kuli Yehova na pa kuti mufuminine mu kupepa kwa bufi?
(Moneni Isambililo 58.)
Finshi mwingacita ifingamwafwa ukutwalilila ukuba aba cishinka kuli Yehova na lintu balemucusha?
(Moneni Isambililo 59.)
Finshi mupangile ukucita pa kuti mukatwalilile ukulalunduluka mu fya kwa Lesa?
(Moneni Isambililo 60.)