UBULANDA

AMALYASHI YA MU BAIBO AYO TWINGASAMBILILAKO:

• Lk 20:​37, 38​—Yesu alondolwele ukuti nangu cibe shani abafwa baka­buuka. ­Yehova abamona fye kwati tabafwa no kufwa

• Yoh 11:​5, 6, 11-14​—Ilyo Lasaro cibusa wa kwa Yesu afwile, Yesu alingenye imfwa ku kulaala utulo

• Heb 2:​14, 15​—Umutumwa Paulo alandile ukuti tatulingile ukulatiina sana ukufwa

AMALYASHI YA MU BAIBO AYO TWINGASAMBILILAKO:

• Baibo yalilanda pa bantu 9 abo Lesa abuushishe. Abali 8 babuukiile pano isonde. Aya malyashi kuti yasansamusha abafwilwa balupwa nelyo ifibusa kabili kuti yalenga bacetekela ukuti abafwa ­bakabuuka

  • 1Is 17:​17-24​—Kasesema Eliya alibuushishe umwana wa kwa mukamfwilwa uwaleikala mu Sarefati, umusumba unono uwa mu Sidone

  • 2Is 4:​32-37​—Kasesema Elisha alibuushishe umulumendo mu musumba uunono uwa Shunemu, kabili amutwele ku bafyashi bakwe

  • 2Is 13:​20, 21​—Umwaume uwafwile alibuukile ilyo icitumbi cakwe cakumishe amafupa ya kwa Kasesema Elisha

  • Lk 7:​11-15​—Mu musumba wa Naini, Yesu aiminike abaleya mu kushiika umwana wa kwa mukamfwilwa pa kuti amubuushe

  • Lk 8:​41, 42, 49-56​—Yesu alibuushishe umwana umukashana uwa kwa Yairo, umukalamba we sunagoge

  • Yoh 11:​38-44​—Yesu alibuushishe cibusa wakwe Lasaro, kabili aishileba pamo na bankashi yakwe Marita na Maria

  • Imi 9:​36-42​—Umutumwa Petro alibuushishe Dorka, Umwina Kristu uwalecitila abantu ifisuma kabili uwali kapekape

  • Imi 20:​7-12​—Umutumwa Paulo alibuushishe umulumendo uo baleita ukuti Yutuki, uwafwile ilyo aponene panshi ukufuma pe windo

• Yehova alibuushishe Yesu Kristu no bumi bwa ku muulu ubushifwa, ici calenga twacetekela ukuti fyonse ifyo Yehova atulaya fikafikilishiwa

  • Imi 17:31; 1Pe 3:18

• Yesu e o babalilepo ukubuusha no bumi bwa ku muulu kabili e o babalilepo ukupeela ubumi ubushifwa, lelo te walekelesheko; abasambi bakwe abasubwa ababa 144,000 nabo bababuusha ifi fine

  • 1Ko 15:​20, 23, 51-53; 1Te 4:​16, 17; Uks 14:1