IPEPO
Twaishiba shani ukuti Yehova alomfwa amapepo kabili alasuka?
Moneni na Am 66:19; Imi 10:31; He 5:7
AMALYASHI YA MU BAIBO AYO TWINGASAMBILILAKO:
1Is 18:36-38—Ilyo Kasesema Eliya aali pa Lupili lwa Karmele na bakasesema ba kwa Baali, alipepele kuli Yehova kabili apo pene fye Yehova alyaswike
Mt 7:7-11—Yesu atukoseleshe ukuti tufwile ukutwalilila fye ukupepa, kabili alandile no kuti Yehova Shifwe uwatutemwa alomfwa nga twapepa kuli ena
Ni kuli nani fye uko Abena Kristu balingile ukulapepa?
Ni mwi shina nshi tupepela?
Mapepo ya bani ayo Yehova omfwa?
Mapepo ya bani ayo Yehova ashikutikako?
Amp 15:29; 28:9; Es 1:15; Mk 3:4; Yak 4:3; 1Pe 3:7
AMALYASHI YA MU BAIBO AYO TWINGASAMBILILAKO:
Yos 24:9, 10—Yehova talekutika ilyo Baalamu alepepa kuli ena, pantu ifyo alepepelapo fyalipusene ne fyo Lesa afwaya
Es 1:15-17—Yehova talekutika abantu bakwe nga bapepa kuli ena pantu bali no bumbimunda kabili balesumya umulopa
Lishiwi nshi tulekeleshako ukulanda nga tulepepa kabili mulandu nshi tulandila ili ishiwi?
Bushe Baibo yalanda ukuti tufwile fye ukwikala nelyo ukwiminina ilyo tulepepa?
1Is 8:54; Mko 11:25; Lk 22:39, 41; Yoh 11:41
Moneni na Yn 2:1
Finshi fimo ifyo ababomfi ba kwa Yehova bengapepelapo nga bakumana mu kupepela pamo?
AMALYASHI YA MU BAIBO AYO TWINGASAMBILILAKO:
1Im 29:10-19—Ilyo abena Israele balepeela ifya kubomfya pa kukuula itempele, Imfumu Davidi yalipepele kuli Yehova
Imi 1:12-14—Abatumwa, bamunyina ba kwa Yesu, Maria nyina wa kwa Yesu na banakashi bambi abali ne citetekelo balepepela pamo mu muputule wa pa muulu mu Yerusalemu
Mulandu nshi uulepepa ashilingile ukuitakishisha nelyo ukufwaya abantu balemulumbanya pa fyo apepa?
Bushe caliba fye bwino ukupepa ilyo tushilatendeka ukulya?
Mulandu nshi tulingile ukutwalilila ukupepa kuli Shifwe wa ku muulu?
Ro 12:12; Ef 6:18; 1Te 5:17; 1Pe 4:7
AMALYASHI YA MU BAIBO AYO TWINGASAMBILILAKO:
Da 6:6-10—Daniele alitwalilile ukupepa kuli Yehova ninshi na bantu balemumona, nangu ca kuti bali no kumwipailapo
Lk 18:1-8—Pa kulondolola ifyo Shifwe uwalungama engasuka ababomfi bakwe nga batwalilila ukumulomba ukuti abafwe, Yesu alandile icilangililo ca kwa kapingula uushaletiina Lesa, uwa-afwile mukamfwilwa pa mulandu wa kuti lyonse alemupaapaata ukuti amwafwe
Finshi tufwile ukucita pa kuti Lesa aletwasuka nga twapepa kuli ena ukuti atubelele uluse?
AMALYASHI YA MU BAIBO AYO TWINGASAMBILILAKO:
2Is 22:11-13, 18-20—Yehova ali ne cikuuku kuli Yoshia kabili alimubelele uluse pantu ali-icefeshe kabili alecita ifyalengele Yehova alesekelela
2Im 33:10-13—Imfumu Manase yali-icefeshe ilyo yalepepa, ici calengele Yehova aibelele uluse no kuibwesesha pa bufumu
Finshi tulingile ukucita nga tulefwaya Yehova atubelele uluse?
Cinshi tulingile ukulapepela ukuti ukufwaya kwa kwa Lesa kucitike?
Mulandu nshi amapepo yesu yalingile ukulaumfwikila ukuti twalitetekela Shifwe wa ku muulu?
Finshi fimo ifyacindama ifyo twingapepelapo?
Kuti twapepa ukuti ishina lya kwa Lesa libe ilya mushilo
Kuti twapepa ukuti Ubufumu bwa kwa Lesa bwise mu kuteka isonde lyonse
Kuti twapepa ukuti ukufwaya kwa kwa Yehova kucitike
Kuti twapepa ukuti Lesa atupeele ifyo tulekabila
Kuti twapepa ukuti Lesa atwelele imembu shesu
Kuti twapepa ukuti Lesa atucingilile ku matunko
Kuti twatasha Lesa
Kuti twapepa ukuti Lesa atwafwe pa kuti twishibe ifyo afwaya, tuleiluka kabili atupeele amano
Moneni na Am 119:34
AMALYASHI YA MU BAIBO AYO TWINGASAMBILILAKO:
1Is 3:11, 12—Yehova alitemenwe filya Imfumu Solomone yalombele ukuti aipeele amano, kabili alilengele yaba na mano nga nshi
Kuti twapepa ukuti Lesa atupeele umupashi wa mushilo
Kuti twapepelako aba bwananyina na bo bacusha
Kuti twalumbanya Lesa
AMALYASHI YA MU BAIBO AYO TWINGASAMBILILAKO:
Lk 10:21—Yesu alilumbenye Wishi pa cintubwingi pa fyo alengele abali abaicefya nga baice baishiba icine
Uks 4:9-11—Ulupwa lwa kwa Yehova ulwa ku muulu lulamucindika kabili lulamulumbanya
Kuti twapepa ukuti Lesa alenge aba mu buteko baletusuminisha ukupepa Yehova mu mutende kabili tuleshimikila abantu imbila nsuma
Moneni na Ye 29:7
Bushe caliba fye bwino ukupepa ilyo muli pa kubatishiwa?
Bushe caliba fye bwino ukupepelako abalwala lwa ku mupashi?
Cinshi abaume bashifwalila icitambala ilyo balepepa, kabili cinshi abanakashi limo bafwalila icitambala ilyo balepepa?
Cinshi icacindama ico Yehova abikako amano icacila pa butali bwe pepo ne fyo tuleumfwa ilyo tulepepa?
AMALYASHI YA MU BAIBO AYO TWINGASAMBILILAKO:
1Is 18:25-29, 36-39—Ilyo Kasesema Eliya ali pa Lupili lwa Karmele, bakasesema ba kwa Baali balipepele kuli Baali lesa wabo pa ma-awala ayengi, lelo tabaswike
Imi 19:32-41—Abalepepa utulubi mu Efese balebilikisha kuli lesa mwanakashi Artemi pa ma-awala yabili, lelo kalemba wa musumba alibakalipile