Ni Shani Ningabomba no Kutitikisha kwa Banandi?

Kalata ukufuma kuli kapokola wa ku Chicago ilangilila ubucindami bwa kwishibe casuko. Alembo kuti:

“Pa January 15, 1990, nalebombela umufungwa wa myaka 18 uwabweshiwe ku Chicago ukufuma ku Mississippi pamo nge mbutushi yalefwaikwa. Ulubali lwa kubombelapo lwa kupoka ifikwatwa fyonse ifya mufungwa. Akwete mu fipe icitabo ca Young People Ask.

“‘Bushe walibelenge ici citabo?’ e fyo naipwishe.

“‘Ee,’ e fyo ayaswike, ‘ilintu nafiseme mu Mississippi, nabombele pa farmu, kabili babili aba Nte sha kwa Yehova bampeele ci citabo.’ Lyene atendeke ukulila, mupepi fye no kushinshimuka kushingalamwa. Mu kati ka kushinshimuka, asosele ukuti: ‘Nalibelenge ci citabo imiku iingi, ne cipandwa ntwalilila ukubelenga mu kubwekeshabwekeshapo ca kuti “How Can I Cope With Peer Pressure?”’ Alundilepo kuti: ‘Nga ca kuti nalikwete ifi fyebo imyaka itatu nelyo ine iyapitapo, nga nshili muno ilelo.’

“Umufungwa alisendelwe, kabili nabelengele lipoti ya bakapokola no kuyebelela acitile kuli bakapokola. Muli yene atile: ‘Katungulula we bumba lyandi anjebele ukuya mu musebo no kulasa icilundwa ce bumba lya kukansana nalyo uwaleshitisha cocaine mu cifulo cesu. Nacitile ifyo naebelwe. Natiinine ukuti ifilundwa fimbi kuti fyatontonkanya ukuti ndi camwenso. Nalefwaya ukupokelelwa.’”

Nakalimo na iwe waliipushapo amepusho ya musango yo pamo nga aya: Ni shani ningabomba no kutitikisha kwa banandi? Bushe ningile ukuleke isukulu? Ni shani ningatila iyo ku kwampana kwa bwamba pa ntanshi ya cupo? Mulandu nshi uwa kusosela iyo ku miti ikola? Aya ni yamo aya malyashi yalanshanishiwapo muli Questions Young People Ask—Answers That Work. Nga ca kuti uli uwasekelela mu kupokelela kope wa ici citabo cabamo ifikope fyawama ica mabula 320, twapapata isusha no kutuma aka kapepala.

Kuti natemwa ukupokelela icitabo ca nkupo yakosa ica Questions Young People Ask—Answers That Work. (Ku nse ya Zambia, lembela ku musambo wa mu mwenu uwa Watch Tower. Mona ibula 2.)