Cilabomfiwa mu Kufunda Ikalasi

Icitabo Life—How Did It Get Here? By Evolution or by Creation? calibomfiwe mu sukulu lya mu California. Uwa myaka ya bukulu 11 alondolola fintu cali. “Nalemona mu citabo ca Creation,” e fintu alemba, “kabili namwene ukuti kwaliko ifipandwa ifinono pa lwa kubumbwa konse ne ntanda. Pali iyo nshita kafundisha wandi aletusambilisha pe sambililo lya kulengula intanda.

“E co nalembele pe pepala ifipandwa fintu pambi engaipakisha ukubelenga, kabili nalimupeele capamo ne citabo. Tasosele nangu cimo pa myeshi yafulilako. Lyene atendeke ukutusambilisha pa kwelenganya kwa kupuuka kukalamba. Asosele ukuti alesambilila icitabo cimo. Aile kwi deski lyakwe no kufumya Life—How Did It Get Here? By Evolution or by Creation? Nalipapushiwe nga nshi!

“Asosele ukuti cali citabo cawamisha abalile abelenga. Lyene aiswile icitabo no kulanga ikalasi ifikope. Namwene ukuti alikwete icipusho cimo cimo mu citabo ukwasukwa no kukomailwapo. Lintu aletusambilisha, ali no kwisula icitabo, ukubelenga paragrafu, kabili lyene ukulondolola yene. Lintu caishile ku nshita ya mashindano, ifipusho fyafumine fye mu citabo. E co cali icayanguka kuli ine ukubelengela amashindano. . . . Napokele A.”

Tuleyumfwa ukuti na iwe kuti wanonkelamo ukufuma muli ici citabo. Nga ca kuti ulefwaya ukupokelela kope, twapapata isusha no kutuma aka kapepala.

Kuti natemwa ukupokelela icitabo ca nkupo yakosa ica mabula 256 Life—How Did It Get Here? By Evolution or by Creation? (Ku nse ya Zambia, lembela ku musambo wa Watch Tower uwa ku mwenu ku fyebo. Mona ibula 2.)