Asangile Trakiti pa Nyanji

UMWAKA wali ni 1921. Pa mpili sha Transvaal, icitungu ca South Africa, ibumba lya baume abawamya umupite shitima bapangile inshila yabo pa nyanji itali iye shitima. Uwangalila ababomfi be shitima, uwa umuAfrikaner uwe shina lya Christiaan Venter, amwene akaputusha ke pepala akapooswa pe samba lya nyanji. Kali ni ka trakiti akasabankanishiwe na Watch Tower Bible and Tract Society.

Pa numa ya kukambisha abaume bakwe ukwiminina, Christiaan abelengele trakiti mu kuba no buseko bwabilima. Alibutwike ku kuyakumanya shifyala, Abraham Celliers, no kubilisha mu kucincimuka ukuti: “Abraham, ilelo nasanga icine!”

Mu kwipipa pa numa, balembele bakasabankanya ba trakiti ku fyebo fyafulilako. Mu kwankulako, umusambo wa South Africa uwa Watch Tower Society watumine ifitabo fya Baibolo ifyalundwako. Abaume babili basambilile yene mu kati ka kutusha kwabo ukwa ca kulya ca kasuba na mu maawala ya kulekeleshako aya bushiku. Mu kwangufyanya batendeke ukwakana icine ne fibusa na beni.

Mu kupelako, bonse Christiaan na Abraham babele Inte shaipeela isha kwa Yehova. Pamo nge ca kufumamo ca kupimpa kwabo no busumino, abengi abena South Africa balyafwiwe ukwisa ku kwishiba kwa cine. Mu kulundapo, ukucila pa mwanda umo uwa intuntuko shabo bali ni Nte sha kwa Yehova abacincila ilelo! Umo uwa bene abomba pa cishinte cikalamba ica calo ica Nte sha kwa Yehova mu Brooklyn, New York, kabili na umbi pe ofesi lya Watch Tower Society mu South Africa.

Ilelo, imyaka imo 70 pa numa, amatrakiti ya Baibolo yatwalilila ukubomba ulubali lukalamba mu kwananya ubukombe bwa Baibolo.