Icitetekelo Cabo mu Kusanguka Calitenshiwe
Umwaume umo ukufuma ku Milwaukee, Wisconsin, U.S.A., alilembele umwaka wapwile ukulumbulula ukutasha “ku cibombelo ca kusungusha ico capayanishiwe mu citabo Life—How Did It Get Here? By Evolution or by Creation?” Alondolwele ukuti:
“Mupepi ne myaka ibili iyapitapo, nakumenye abaupana babili abacaice ukufuma ku Beijing, China, abalesangwa ku koleji ya fya cipatala muno mu Milwaukee. Bantu basambilila ifya miti yatumbinkanishiwa iya fya mweo, kabili tabafishile icisumino cabo icafumaluka mu kusanguka.
“Mu kushininkisha nali uwapelebela nga nshi mu kwesha ukulanda na bene pa cipimo ca sayansi, e co napingwilepo ukuleka icitabo cisambilishe. Ilyo twatwalilile mu kusambilila kwesu, nali no kumona ukucetekela kwabo mu kusanguka kwatendeka ukupungaila.”
Isambililo lya citabo conse lyalipwishishiwe, kabili umwaume ukufuma ku Milwaukee asondwelela ukuti: “Kuli bene Baibolo yaisaba intulo ya cine iya fyebo. Ndetootela na kabili kuli ico cibombelo ca kusungusha.”
Nga kuti wingatemwa ukupokelela ici citabo ca fikope fyayemba ica mabula 256, twapaapaata isusha no kutuma aka kapepala.
Kuti natemwa ukupokelela icitabo ca Life—How Did It Get Here? By Evolution or by Creation? (Ku nse ya Zambia, lembela ku musambo wa cikaya uwa Watch Tower ku fyebo. Mona ibula 2.)
[Ifikope pe bula 32]
Uwa kulenga iyi mpela ya mufwi iyasongoka alekabilwa
Bushe takwali uwa kulenga molekyu wa DNA walekabilwa?