Loleni! Yaafwa Ukunonka Icilambu mu Italy

Umwaka wapwile umukashana wa pa sukulu uwa myaka ya bukulu ikumi mu Italy alembele ilyashi pa mutwe waleti “Nga ca kuti Isonde Lyali no Kulanda.” Umutwe walundulwilwe ukupala ukulanshanya pa kati ke sonde no mwana uwali naipusha isonde umulandu lyalelilila. Umukashana wa pa sukulu alondolola ukuti:

“Isonde lyaankwileko ukuti lyalikoweshiwe ne cushi icatikama ico icaleteleko ukusonga kwa greenhouse. Isonde lyatwalilile ukulanda ku mwana no kusoso kuti mu kwangufyanya ifintu fyali no kwaluka kabili inshita ya liko iya ku ntanshi ikawaminako, te mulandu no muntu. Isubilo lye sonde lyali muli Lesa Wa maka yonse, Kalenga wa liko, uushalilengele mu cimfulumfulu lelo ku kwikalwamo.—Esaya 45:18.”

Umukashana wa pa sukulu mu kulundapo alondolwele ukuti: “Nafumishe ifyebo muli bamagazini ba Loleni! aba July 22, 1989; September 8, 1989; na September 22, 1989 (mu ciNgeleshi). Ca kutootela kuli aba bamagazini, umutwe wandi wanonkele icilambu ica kubalilapo. Icilambu ca bubili canonkelwe no munandi wa mu kalasi untu banyina baba mu mpito ya magazini iya kwa mayo. Na o wine afumishe ifyebo muli bamagazini bamo bene aba Loleni!

“Ndemutootela pa fyebo ifisuma kabili ifyalungikwa na kabili ifyayanguka ifitulenga ukuba aba mano. Icilambu ico nanonkele cili mu bwingi bwa 100,000 lire [mupepi na $100, U.S.], kabili ndetuma ishi ndalama ku kubomfiwa ku kupulinta bamagazini bafulilako.”

Tuleyumfwa ukuti te mulandu no kusuntikana kobe ukwa butotelo, na iwe wine ukanonkelamo ukufuma mu fipande fya kucebusha ifya muli Loleni!

Kuti natemwa ukukwata magazini ya Loleni! ukutumwa ku ŋanda ku mwandi. (Ku nse ya Zambia, lembela ku musambo wa Watch Tower uwa cikaya ku fyebo. Mona ibula 2.)