‘Icipasho ca Cine’

Ifyo e fintu kabelenga ukufuma ku Argentina alondolwele icitabo casabankanishiwe nomba line Mankind’s Search for God. “Cabamo imisango yalekanalekana ne fiputulwa, kwati fye cipasho,” e fintu alembele. “Kwati fye fintu icipasho caba kubikwa pamo ukwa tuputulwa twalekanalekana, ici citabo cabamo ukulekanalekana kwa mitwe no bulondoloshi pa lwa butotelo ica kuti cilasungusha kabelenga.”

“Mu cinkumbawile, bakabebeta ba ku Masamba baliba abambulu umupwilapo ulwa fisumino fya ku Kabanga ne ntuntuko ya fiko.” Nalyo line, nga fintu uyu kabelenga uutasha amona, ici citabo ciya “ukufuma ku buHindu ukufika ku buZion, ku buBuddha ne fyakaniko fya Kristendomu, na ku minshipendwa ya mfundo shimbi isha butotelo. Caba cipasho ca kwaafwa,” e fintu alondolola, “ku uli onse ulefwailisha amabutotelo.”

Abantu abengi baishiba fye ubutotelo bwa bafyashi babo kabili ico pa mulu fye. Lelo bushe ubutotelo bobe bulingile mu kwanguka ukuba fye ni ubo wafyalilwemo, nelyo bushe ulingile ukucita ukusala kwa mucetekanya pa numa ya kulinganya ubutotelo bobe na ubo ubwa bambi? Icitabo ca mabula 384 Mankind’s Search for God cikakwaafwa ukucita uku kulinganya. Kuti pambi na kabili cakutungulula mu kupalamisha kuli Lesa wa cine.

Kuti natemwa ukupokelela icitabo ca kusambililamo icalangishiwa mu fikope, ica mabula 384 Mankind’s Search for God. (Ku nse ya Zambia, lembela ku musambo wa mu mwenu uwa Watch Tower ku fyebo. Mona ibula 2.)

[Abatumtuminishe Ukubofya Ifikope Fili pe bula 32]

Below: GPO, Jerusalem

Below: Camerapix