Ica Kucitika ico Ushilingile Ukupuswako

“Ica kupeelwa conse icisuma ne ca bupe conse icafikapo” cifuma kuli Lesa, Shifwe wa ku muulu. (Yakobo 1:17) Ica kupeelwa cakulisha ico Lesa apeela ku mutundu wa muntu uwawa caba kupayanya kwa kuti bengapuupuutuka ukupitila mu Mwana wakwe uwafyalwa eka, Yesu Kristu. Imfwa ya kwa Yesu Umulubushi wesu e yalenga ukuti tukakwate umweo wa muyayaya mwi sonde lya paradise. Pali Luka 22:19, twakambishiwa ukulaibukisha imfwa yakwe.

Inte sha kwa Yehova mu kukaba balemulaalika ukuba capamo na bo mu kumfwila ikambisho lya kwa Yesu. Uku kusefya kwa pa caka kukabako pa numa ya kuwa kwa kasuba pa bushiku ubulingene na Nisani 14 pali kalenda wa nshiku uwa Baibolo, ubukaba pali Cibili, April 2, 1996. Lembeni buno bushiku pa kuti tamubulabile. Inte sha kwa Yehova mu cifulo cenu kuti bamweba icifulo ca kulonganinapo ne nshita.