Bushe Tukabala Atuleka Ukumona Ifikope Fyapale ci?

UKULI konse uko twalolesha muli shino nshiku, tumona ifikope fya kukanshika, ukukansana, ne nkondo. Lelo taili mifwaile ya uno magazini ukulunda ku mbila sha bulanda shonse isho mwaishiba kale. Mu cifulo ca ico, uno magazini waibela ali no kumulondolwela ifishinka fya kusansamusha mupepi na fibili. Ica kubalilapo, ca kuti amasesemo ya ku kale muli Baibolo mu cine cine yasobele ubwingi ubwa mbila sha bulanda isha kutulumusha isha mu nshita yesu; ica bubili, ca kuti ili buuku limo line ilya busesemo lisobela ubushiku lintu ifikope pamo nge ici cilemoneka pano fili no kuba fintu fyapita. Takwakabe na kabili inkondo. Takwakabe na kabili ukuponya amabomba, ukubelaminwa, utupata, nelyo ukusanswa ku tupondo. Takwakabe na kabili abana ba nshiwa abakungumana nelyo imbutushi shabula amayanda. Icalo cikaba ica mutende wa cine cine, uwa kutontolola umutima. Bushe kuti mwatemwa ukwisasangwako ku nshita ya musango yo? Tulemucincisha ukulanguluka cintu Baibolo isosa. Kuti mwasanga icisansamushi cikalamba muli yene ukucila fintu mwabalile amutontonkanyapo.