“Fwe Bakatolika Kuti Twasambililako Ifingi”

E FYO kafundisha mu citungu ca Bari, ku Italy asosele pa lwa Nte sha kwa Yehova lintu alefunda abana be sukulu ilyashi lya kale ilya fya mipepele. Kafundisha abebele ukuti ali no kutendeka ukubomfya amatepu ya vidio pa kusambilisha. Ilyo Roberto, umwana we sukulu uwa myaka 18 aumfwile fi, atubulwile ukuti akalebomfya na mavidio ya kuntu apepa. Amupeele vidio wa Jehovah’s Witnesses—The Organization Behind the Name. Alisumine, kabili abana be sukulu bonse mupepi na 30 balitambile vidio. Roberto asoso kuti: “Balitemenwe ukumona fintu Inte sha kwa Yehova shaikatana, ifyo shateyanishiwa, na fintu shatemwana icine cine. Kabili balipapushiwe nga nshi ukwishiba ukuti bapulinta amamilioni 40 aya magazini wa Ulupungu lwa kwa Kalinda na magazini wa Loleni! amamilioni 36 cila mweshi.”

Ilyo batambile vidio abengi abasambilila na Roberto balandilepo kuti: “Kanshi e fyo mwateyanishiwe fi.” Kafundisha aebele aba mu kalasi pa lwa Nte sha kwa Yehova ukuti: “Moneni fintu icitetekelo cabo cibekatanya no kubalenga ukuba abateyanishiwa icine cine. Fwe baKatolika kuti twasambililako ifingi.” Vidio no kulanshanya mu kalasi ukwakonkelepo fyalengele ukuti bomfwikishe Inte sha kwa Yehova.