Ubushiku Bwa Kwibukisha

Icungulo bushiku libe Yesu talafwa, apeele abatumwa bakwe umukate uushatutumuka no lukombo lwa mwangashi kabili abakambishe ukuti balye no kunwa. Abebele no kuti: “Citeni ici ku kunjibukisha.”—Luka 22:19.

Uno mwaka ukusefya kwa pa mwaka ukwa ici ca kucitika kukabako pali Cine, April 1, cilya akasuba kawa. Inte sha kwa Yehova mwi sonde lyonse bakalongana pali ici cungulo bushiku caibela ku kusefya ici Cibukisho, nga filya Yesu akambishe. Tulemulaalika ukuti na imwe mukasangweko capamo na ifwe. Kuti cawamisha nga mwaipusha Inte sha kwa Yehova ababela uko mwikala, pa kuti bamwebe inshita no kukabela uku kusefya kwaibela.