Ukubakilila Ishina Lisuma

FINGI mwingasambililako nga mwalolekesha icintu ico bapenta busaka busaka. Kuti mwamona ifyo uwalepenta alepenta bwino bwino pa kulenga.

E fyaba ne shina lisuma, talipangwa fye kwati kupenta icimupelwa cimo pa muku fye umo, lelo lipangwa ku ncitilo ishinono ishingi pa myaka iingi. Panono panono, tulapanga ishina lisuma ku misango yesu.

Lubali lumbi, uulepenta nga apisha bulasho apashilingile, ico alepenta kuti cakantaikwa. E fyo caba na kwi shina. Imfumu ya mano Solomone yatile: “Ubupumbu bwa muntu bulufyanye milimo yakwe.” (Amapinda 19:3) Ciba fye kantu akanono, ako twingatila ubupumbu, napamo ukububuka mu bukali, ukukolwa ubwalwa, nelyo ukucitako incitilo imo iishili ya musangwela, ninshi apo pene ishina lyaonaika. (Amapinda 6:32; 14:17; 20:1) Nacicindama kanshi ukuti tubombeshe ukupanga ishina lisuma no kulwisha na maka ukulibakilila.—Linganyeniko Ukusokolola 3:5.