Cintu Afuluka Sana pa lwa New York City

AMASHIWI ya kuti “Belengeni Icebo ca kwa Lesa Baibolo wa Mushilo Cila Bushiku” yalilembwa pa cibumba ca fakitare wa Watchtower Society mu Brooklyn, New York, ukutula 1950. Abayendo, abatandashi, na bambi abapitapo balacinkulwako ukubelenga Baibolo cila bushiku. Uyu kalata, uwalembelwe no mukashana Nte, alangilila ukuti uku kucinkulako kulabomba.

“Nalelanshanya na untu tusambilila nankwe pa fyo mfwaya ukucita nga napwisha isukulu lya ku sekondari. Natendeke ukulanda pa lwa Bethel, e kuti amaofeshi yakalamba aya Nte sha kwa Yehova, kabili alisekelele sana. Asosele ukuti akulila ku New York City. Ulupwa lwakwe talwalepepa sana, lelo cila bushiku nga alolesha pa windo, alemona ifilembo fya kuti ‘Belengeni Icebo ca kwa Lesa Baibolo wa Mushilo cila Bushiku.’ E co cila bushiku alebelenga Baibolo ilyo ashilaya ku sukulu.

“Ilyo Bakuukile ukufuma muli ulya musumba, atile, cintu afuluka sana pa lwa New York City ca kuti, pali nomba nga abuuka, tamona yalya mashiwi yalemucinkulako ukubelenga Baibolo yakwe. Lelo pa mulandu wa cilya cishibilo caba pa cikuulwa ca Watchtower, alibelesha ukubelenga Baibolo cila bushiku!”

Takwaba inshila yawamisha iya kutendeka ubushiku bupya ukucila ukubelengako Icebo ca kwa Lesa! Nga twacite fyo, ukwabula ukutwishika, tukatesekesha amashiwi ya mutumwa Paulo, ayatila: “Amalembo ya mushilo ayaba na maka ya kukulengo wa mano ayalosha ku kupusuka mu kutetekela Kristu Yesu.”—2 Timote 3:15-17.