Ukusefya Mushilingile Kupuswako

“Ica kupeelwa conse icisuma ne ca bupe conse” cifuma kuli Lesa, Shifwe wa ku muulu.—Yakobo 1:17.

ICA bupe cikalamba ico Lesa apeela bantu, abashapwililika caba kubapekanishisha ipusukilo ku lubembu ne mfwa ukupitila mu Mwana wakwe uwafyalwa eka, Yesu Kristu. Imfwa ya kwa Yesu, Umulubushi wesu, e yalenga ukuti tukakwate umweo wa muyayaya muli paradise pe sonde. Pali Luka 22:19, twaebwa ukwibukisha imfwa yakwe.

Inte sha kwa Yehova shilemulalika ku kusefya icibukisho ca mfwa ya kwa Yesu pamo na sho. Uku kusefya kwa pa mwaka kukabako pa numa ya kuwa kwa kasuba pa bushiku bwalingana no bushiku bwa Nisani 14 ubwa kalenda wa Baibolo, pa Mulungu, April 8, 2001. Lembeni ubu bushiku pa kuti mwikalaba. Inte sha kwa Yehova kuntu mwikala kuti bamweba ukwa kulonganina e lyo ne nshita ya kulongana.