“Nasuka Naishiba Ico Nalwala!”

IFI e fyo umwaume wa ku Tokyo ayumfwile ilyo abelengele icipande citila Ubumi bwabo ica mu Ulupungu lwa kwa Kalinda ulwa December 1, 2000. Icipande caleti “Tamwaishiba Ifyo Umweo Wenu Ukaba Mailo,” kabili cashimike ifyacitikila umuntu umo uwali mishonari kale uwalwala ubulwele beta ati manic-depressive psychosis (umusango umo uwa kupopomenwa).

Uyu mwaume wa ku Tokyo asosele muli kalata alembeele abasabankanya uyu magazini ukuti: “Ifishibilo fya ubu bulwele e fyo nakwata. E co ilyo naile ku cipatala ca mashilu banjebele ukuti nalipopomenwa. Dokota uwampimine alipapile nga nshi. Atile, ‘Abakwata ubu bulwele tabamona ukuti balilwala.’ Balingafwile ukwishiba ubulwele ilyo bushilafika apatali.”

Iminshipendwa ya bantu mwi sonde balanonkelamo mu nshila shalekanalekana ukubelenga bamagazini bonse aba Ulupungu lwa kwa Kalinda na Loleni! Ifipande babelenga filabasambilisha sana kabili balafitemwa. Magazini wa Ulupungu lwa kwa Kalinda nomba apulintwa mu ndimi 141, na Loleni! mu ndimi 86. Na imwe mukaipakisha ukubelenga Ulupungu lwa kwa Kalinda na Loleni! lyonse.