Icimuti ca Mwaka Upya—Bushe Cishilano ca Bena Russia? Bushe Cishilano ca Bena Kristu?

“KU KUTENDEKA kwa ba1830, abantu bali bacili balemona icimuti icitwa nomba icimuti ca Krisimasi nge cishilano ca bena German.” Ku mpela ya ba1830, ici cimuti calesangwa sana mu mayanda ya bakankala mu St. Petersburg. . . . Mu myaka ya ba1800 ici cimuti tacalesangwa mu mayanda ya bashimapepo na ya bapiina. . . .

Professor Yelena V. Dushechkina, uwasoma pa fyo amashiwi yapangwa mu ndimi shimo ku St. Petersburg State University atile: “Pa ntanshi ya ba1800, . . . abantu tabatemenwe ukubomfya icimuti icitwa nomba icimuti ca Krisimasi. Abena Russia balemona cilya cimuti nge cishibilo ca mfwa icayampene ne mipashi ibifi. Na kabili, icishilano ca kubika icimuti pa mitenge ya fiyanda fya kunwenamo ubwalwa calipusene ne fyo abantu balemona ifintu muli ba1800. . . . Cintu caishibikwa bwino ukuti ukupokelela uyu mwata uwafumine ku calo cimbi kuti kwapilibula ukusumina ifyo ifyalo fya ku Masamba fyalemona icimuti ca Krisimasi. Na kabili kuti kwapilibula ukwampana ne cisumino ca Krisimasi. . . .

“Pali ubwafya pa kulenga ici cimuti ukuba icishibilo ca ‘Bwina Kristu’ mu calo ca Russia. Icalici lya Orthodox talyalefwaya. Bashimapepo balimwene ukuti mwali ‘ukupepa imipashi’ mu kusefya ukupya ukwa cisenshi, kabili uku kusefya takwaleumfwana no kufyalwa kwa Mupusushi, cali cishilano ca ku Masamba.”

[Abatusuminishe Ukubomfya Icikope pe bula 32]

Abakopele ici icikope ni baNikolai Rakhmanov