Balebacusha pa Kubala, E lyo Baisabatemwa

IMYAKA inono iyapita, baSantiago na bena mwabo baLourdes, bakuukile kwi tauni ilisuma sana ilya Huillcapata, ilyaba ku Peru, ku kusambilisha abantu ubukombe bwa mu Baibolo ubwabamo isubilo. Lelo tapakokwele, kwaishile shimapepo umo ukufuma ku musumba wa Cuzco kabili alonganike abantu ba muli ili tauni. Shimapepo asokele abantu ukuti ifi baNte baisa mwi tauni, kukaba icikuko icikepaya abantu abengi kabili kukaba ne mfula yabuuta iya cipesha amano iikepaya ing’ombe shabo no konaula ifilimwa.

Pa mulandu wa aya mashiwi ayali ngo “kusesema,” abengi balekaana ukubashimikila kabili mupepi no mwaka umo, tapali nangu umo mwi tauni ili uwasumine ukusambilila Baibolo na baSantiago na ba Lourdes. Miguel, uwali uwa cibili kuli cilolo wa muli ili tauni, aletamfya baSantiago na baLourdes mu musebo, no kubatoba amabwe. Nomba, baSantiago na bena mwabo baLourdes bali aba mutende lyonse kabili batwalilile ukulanga imibele ya Bwina Kristu.

Umuye nshiku, abekashi ba muli ili tauni balisumine ukusambilila Baibolo. Na baMiguel bene, na bo balyalwile imibele. Batendeke ukusambilila Baibolo na baSantiago, balilekele ukunwensha ubwalwa, kabili baishileba aba mutende. Umuye nshiku, baMiguel basukile basambilila icine ca mu Baibolo pamo na bena mwabo na bana babo babili abanakashi.

Pali lelo, muli ili tauni lya Huillcapata mwaliba icilonganino ca Nte sha kwa Yehova, icileya cilekula. BaMiguel balitemwa ukuti amabwe baletoba baSantiago na baLourdes tayalebalasa, kabili balatasha aba baupana pa mulandu wa mibele yabo iisuma no kuti baliba aba mutende.

[Ifikope pe bula 32]

Umulandu wa kuti baSantiago na baLourdes (abali pa muulu) bali aba mutende, calengele ukuti baMiguel (abali ku kulyo) balule imibele yabo