“Cinshi Twabelako?”

BA ELIE WIESEL abapeelwe icilambu ca Nobel kabili abapuswike lintu ubuteko bwa Nazi bwaipayaulwile abantu batile, “ici e cipusho cacindama ico umuntu onse aipusha.” Cipusho nshi ico cine? Ca kuti, “Cinshi twabelako?”

Bushe mwalibala amuipushapo ifyo? Abengi bali-ipusha ico cipusho, lelo tabasanga icasuko. Ilyo kalemba wa lyashi lya kale umwina Britain Arnold Toynbee alefwaya ukwishiba ifyo ubumi bwaba, alembele ukuti: “Ico umuntu afwaisha kucindika Lesa no kulapalama sana kuli ena.”

Na kuba, papita imyaka ukucila pali 3000 apo umwaume uwaishibikwe ukuti alibikile sana amano ku bumi bwa muntu asangile icasuko ku cipusho cacindama ica kuti, “Cinshi twabelako?” Imfumu ya mano Solomone yatile: “Ukusupula kwa mulandu onse; fyonse nafyumfwika. Bela Lesa akatiina, baka amafunde yakwe; pantu ici e ca buntunse bonse.”—Lukala Milandu. 12:13.

Yesu Kristu, Umwana wa kwa Lesa na o alisuminishe ifyo Solomone alandile. Ilyo ali pe sonde, Yesu alecindika Wishi wa ku muulu muli fyonse ifyo alecita. Ukubombela Kabumba wakwe kwalengele Yesu ukuipakisha ubumi. Kwalimwafwile nga nshi, ica kuti umwine atile: “Ica kulya candi kucito kufwaya kwa wantumine.”—Yohane. 4:34.

Kanshi mulandu nshi twabelako? Nga filya cali kuli Yesu, Solomone, na babomfi ba kwa Lesa aba busumino abengi, kuti twasanga umulandu twabelako no kuba ne nsansa ishibelelela ilyo tulecita ukufwaya kwa kwa Lesa. Bushe kuti mwatemwa ukwishibilapo na fimbi pa kupepela Lesa “mu mupashi na mu cine”? (Yohane. 4:24) Inte sha kwa Yehova uko mwikala bakatemwa ukumwafwa ukwasuka icipusho ca kuti, “Cinshi twabelako?”