March 22, 2008—Ubushiku Mulingile Ukwibukisha

Icungulo ilyo Yesu ashilafwa, apishishemo umukate uwabula icitutumushi e lyo no lukombo lwa mwangashi mu basambi bakwe no kubeba ukulya no kunwa. Abebele no kuti: “Mulecite ici ku kunjibukisha.”—Luka 22:19.

Uno mwaka, ukusefya Icibukisho kukabako pa Cibelushi, pa March 22, akasuba nga kawa. Inte sha kwa Yehova icalo conse bakalongana pali ubu bushiku bwacindama ku kusefya Icibukisho nga fintu Yesu abebele. Tulemulaalika ukuti na imwe mukasangweko mukamone ifyo cikaba. Ipusheni Inte sha kwa Yehova ababela uko mwikala bamwebe inshita ne cifulo ukwa kulonganina.