Ilyashi lya Cintubwingi Ilyaibela

Bushe Kwaliba Ukupepa Uko Lesa Amona Ukuti kwa Cine?

Abantu abengi bapepa uko abafyashi babo bapepa ukufuma na kale. Bambi nabo nga bakula, balaisalila ukwa kupepa abene. Imipepele muno calo yalifula icine cine kabili umuntu umwine kuti aisalila iyo alefwaya. Nomba nalimo mulatontonkanya ukuti, ‘Bushe kuti caba fye bwino ukupepa ukuli konse fye uko ndefwaya?’

Ici cipusho cikasukwa mu lyashi lya cintubwingi ilikalatila: “Bushe Kwaliba Ukupepa uko Lesa Amona Ukuti kwa Cine?” Ili ilyashi bakalilanda mu fyalo ukucila 230. Mu ncende ishingi, ili lyashi bakalilandila mu Mayanda ya Bufumu aya Nte sha kwa Yehova ayabela mupepi no ko mwikalila pa bushiku bwa pa Mulungu pa 26 April, 2009. Inte sha kwa Yehova uko mwikalila, kuti bamwebako inshita no kukabela ili lyashi. Tulemwita ukuti mukasangweko.