Icipande ca Baice

Ifyo Twingasambilila pa Luse lwa kwa Lesa

YONA—2

Ifya Kucita: Belenga no kwasuka aya mepusho. Ube ukushili icongo. Ilyo ulebelenga amalembo, ule-elenganya ukuti eko uli ilyo ifintu filecitika, uleumfwa na mashiwi ya bantu no kumfwa filya fine abantu abo amalembo yalelandapo baleumfwa.

1 TONTONKANYA PA CACITIKE.—BELENGA YONA 3:1–4:11.

Bushe uletontonkanya ukuti Yona aleumfwa shani ilyo aingile mu musumba wa Ninebe?

․․․․․

Nga waelenganya ifyo ishiwi lya kwa Yona lyaleumfwika, kuti watontonkanya ukuti aleumfwa shani ilyo alebila ukuti Yehova ali no konaula Ninebe?

․․․․․

Bushe uletontonkanya ukuti Yona aleumfwa shani ilyo aikele ku nse ya musumba? (Belenga Yona 4:5-8.)

․․․․․

2 TONTONKANYAPO SANA.

Cinshi nalimo Yona alefwaila ukuti mpaka fye Yehova onaule Ninebe nga filya fine asobele?

․․․․․

Belengelapo impapulo na shimbi pa kuti wishibe ifyo (1) ulungu lwalemoneka ne fyo lwaba, na (2) umwalolele filya imfumu ya Ninebe yacitile ilyo yafwele insamu no kwikala mu mito.

․․․․․

Nangu ca kutila pa kubala Yona talefwaya ukushimikila mu Ninebe, mulandu nshi twingalandila ukuti ali ni kasesema wa cishinka kabili uwashipa? (Mateo 21:28-31)

․․․․․

3 FINSHI WASAMBILILA MULI ILI LYASHI? LEMBA IFYO WASAMBILILAKO PA . . .

Fyo abantu bengaluka no kuleka ukucita ifyabipa.

․․․․․

Luse lwa kwa Yehova.

Mulandu tulingile ukubela no luse.

․․․․․

4 FINSHI WATEMWAMO SANA MULI ILI LYASHI KABILI CINSHI WAFITEMENWA?

․․․․․

Nga ulefwaya ukwishibilapo na fimbi pali ili lyashi, belenga Ulupungu lwa kwa Kalinda ulwa April 1, 2009, amabula 14 ukufika ku 18.