Ifilimo

Yesu atusambilishe ukuti ‘intanshi tulefwaya Ubufumu’ te fyuma iyo. Kuti twataluka shani iciteyo ca kufwaisha ukukwata ifyuma, kabili kuti twayangusha shani imikalile pa kuti tulebika amano ku fya kwa Lesa? Natumone amashiwi ya kukoselesha ayo Yesu alandile mu Lyashi lya pa Lupili ilyalembwa muli Mateo 6:25-34.

Muli shino nshiku sha kulekelesha, fwe Bena Kristu tulingile ukubika amano ku fyo Yesu atukonkomeshe ukuti “mulelola.” (Mat. 24:42) Pa kuti tulelola, tulingile ukuba abacenjela ku fintu fya muli cino calo pa kuti tatubelelekwe ica kuti twafilwa no kuba abalola ku kwisa kwa kwa Yesu. Cino cipande cilelondolola ifyo twingacita pa kuti tutwalilile ukuba abalola.

Fino fipande fibili filelanda pa nshila ishingi isho tunonkelamo mu cikuuku ca kwa Yehova. Na kabili filelanda pa fyo ukutasha pa cikuuku kwingalenga twalaebako bambi ifyo nabo bengacita pa kuti balenonkelamo mu cikuuku ca kwa Yehova.