Ifilimo

Yehova Lesa na Yesu Kristu e baba sana pa ntanshi mu kukoselesha abantu. Umutumwa Paulo na o alemona ukuti ukukoselesha bambi kwalicindama. Nga tulebapashanya tukalakoselesha aba mu lupwa lwesu na ba mu cilonganino kabili bakalaumfwa ukuti twalibatemwa.

Muli fino fipande twalayasuka amepusho ayakonkapo: Mulandu nshi uo tulingile ukwenekela bakapepa ba kwa Yehova ukuteyanishiwa bwino? Kuti twateyanishiwa shani ukulingana ne fyo Lesa alanda mu Citabo cakwe? Kuti twacita shani pa kulanga ukuti tulatungilila icilonganino ca kwa Yehova?

Fino fipande filelondolola ilyo abantu ba kwa Lesa bali bankole muli Babiloni kabili filelanda ne fyo Abena Kristu abasubwa babombeshe mu kupwa kwa myaka ya ba 1800 pa kuti bomfwikishe Icebo ca kwa Lesa. Na kabili twalasambilila na pa fyo Abasambi ba Baibolo bacitile pa kuti belayampana na Babiloni Mukalamba, twalasambilila na ilyo bafumine muli Babiloni Mukalamba.