Ifilimo

Ukutula na kale abantu ba kwa Yehova balishiba ukuti ukwimba kwalicindama mu kupepa. Lelo bamo kuti balaumfwa insoni sha kwimba pa cintubwingi. Finshi twingacita pa kuti twilaumfwa insoni sha kulumbanya Yehova mu nyimbo? Cino cipande nacilondolola umulandu tulingile ukulaimbila no mweo onse kabili nacilanda na pa fyo twingacita pa kuti tuleimba bwino.

Kuti twasambililako ifyacindama kuli filya Lesa abikile imisumba ya kufulumukilako mu Israele. Mu cipande ca kubalilapo mwalasambilila ifyo uwalufyanya muno nshiku engacita pa kuti aleuba muli Yehova. Mu cikonkelepo mukasambilila ifyo twingalapashanya Yehova uwelela, uwacindika ubumi kabili uwa mulinganya.

Ifi fipande fibili fifumine muli kalata iyo Paulo alembeele Abena Kristu ba mu Kolose. Icipande ca kubalilapo cilelanda pa fyo twingacita nga twaumfwa fimo ifyo abantu ba muli cino calo bengalanda ifingomfwika bwino nelyo ifingomfwika kwati fya cine. Icipande cikonkelepo cilelanda pa fyo twingacita pa kuti tatulekele icintu nangu cimo cikalenge tukafilwe ukupokelela amapaalo ayo Yehova atulaya.