Ukubilisha

◼ Ulupapulo lwa kutambika mu January: Icitabo icili conse ica mabula 192 nga fintu cabilishiwe mu Ubutumikishi Bwesu Ubwa Bufumu ubwa December 1993 nelyo Ukusapika Lesa Ukwa Mutundu wa Muntu. February: Kuti Waikala Kuli Pe na pe muli Paradise Pe Sonde. March: Ukusokolola—Akalume ka Kuko Kakalamba Nakapalama! April na May: Ukulembesha kwa Ulupungu lwa kwa Kalinda. ISHIBENI: Ifilonganino ifikakabila ifitabo fya kampeini ifilumbwilwe pa muulu filingile ukwipusha fyene pali Formu wa Kwipushishapo Ifitabo (S-14) uwa mweshi ukonkelepo.

◼ Ifilonganino filingile ukupanga imitantikile yalinga iya Cibukisho, icikasefiwa uno mwaka pa Cibelushi, March 26, pa numa ya kuwa kwa kasuba. Ilintu cilafwaikwa ku cilonganino cimo na cimo ukukwata ukusefya kwabo kwine ukwa Cibukisho, ici pambi te kuti lyonse cicitikeko. Uko ifilonganino ifingi lyonse fibomfya Iŋanda ya Bufumu imo ine, kuti pambi cacilishapo kuwama ku cilonganino cimo nelyo ukucilapo ukubomfya icifulo cimbi cilya cungulo bushiku. Icibukisho tacilingile ukutampa ubushiku sana ica kuti abantu balesekelela bacisanga ukuba icayafya ukusangwako. Mu kulundapo, ukutantika takulingile ukuba ukwatitikana nga nshi ica kuti takuli inshita pa ntanshi nelyo pa numa ya kusefya iya kuposha abatandashi, ukupanga imitantikile iya kwaafwa kwa ku mupashi ukwatwalilila kuli bamo, nelyo ukukoseleshanya kwa cinkumbawile pa kati ka bonse abasangilweko. Pa numa ya kulanguluka mu kukumanina ifya kusangwilako fyonse, baeluda balingile ukupima mitantikile nshi iingacitikako iikaafwa mu kuwamisha abakasangwa ku Cibukisho ku kunonkelamo mu kukumanina ukufuma ku ca kucitika.

◼ Ukutampa mu February, kabili te kucila pa March 6, ilyashi lya cintubwingi ilipya kuli bakangalila ba muputule likaba “Ukuteta kwa Fibumbwa fya Buntunse—Ni Lilali Kukapwa?”

◼ Ilyashi lya cintubwingi ilyaibela ilya ciputulwa ca nshita ya Cibukisho ca 1994 likapeelwa pa Mulungu, April 10. Umutwe wa lyashi ukaba “Bushe Ubutotelo Bulefilwa Ukwikusha Sosaite wa Buntunse?” Autulaini akapayanishiwa. Ifilonganino ifyo fikakwata ukutandala kwa kwa kangalila wa muputule, ukulongana kwa muputule, nelyo ubushiku bwa kulongana kwaibela muli ilya mpela ya mulungu fikakwata ilyashi lyaibela umulungu ukakonkapo. Takuli icilonganino icilingile ukukwata ilyashi lyaibela pa ntanshi ya April 10.

◼ Sosaite nomba ilepanga amabaundi volyumu ya mu ciNgeleshi aya The Watchtower aya myaka ya 1960 ukufika ku 1969 pamo nga ifipe fya mu stoko ifibelelela. Abali bonse abali abasekelela mu kukwatako aya mabaundi volyumu balingile ukwipusha yene ukupitila mu cilonganino. Twapaapaata sungeni mu muntontonkanya ukuti amabaundi volyumu fipe fya kwipusha kwaibela.

◼ Impapulo Ishilipo:

IciNgeleshi: Emphatic Diaglott; amaBaundi Volyumu ya Watchtower aya 1989, 1990 na 1991; Kingdom Recordings Album (alubamu uwa makaseti 24 uwabulwamo akantu); Beware of Losing Faith by Drawing Away From Jehovah (kaseti wa cilangililo); Kingdom Melodies No. 1, 4, 5, 6, na 7. IciSwahili: Kuti Waikala Kuli Pe na pe muli Paradise Pe Sonde.