Ukupitulukamo kwa Kulemba Ukwe Sukulu lya Butumikishi bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokratiki ukwa milungu ya May 2 ukufika ku August 22, 1994. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo bumo bumo Cine nelyo Bufi:
1. Bonse ifwe limbi kuti twaenekela ukucilisha ukuba pe samba lya fya kwesha fyacilapo ukukosa mu kati ka ishi nshiku shisheleko isha kulekelesha isha muyano ukote uwa kwa Satana. [om-CW ibu. 162 para. 3]
2. Ukulingana na Ilumbo 15:4, nga ca kuti Umwina Kristu aishiba ukuti icintu cimo alaile tacili ca mu malembo, alingile nalyo line ukucita cene. [Ukubelenga kwa Baibolo ukwa mulungu no mulungu; moneni w89-CW 9/15 amabu. 28-9.]
3. Mu nshita sha bukangalume pamo nga icipowe, umutumwa Paulo ali na maka ya kuteyanya ukupekanya kwa ca bupe ca kukumbusuka ica kuti icili conse cacitilwe mu musango wabamo muyano. [om-CW ibu. 158 para. 2]
4. Inshila ya bumi bwa kwa Yesu yashininkishe ukuti Adamu nga alisungilile bumpomfu bwapwililika afwaya ukucite fyo kabili ukuti umulandu tawali mu mulimo wa kubumba uwa kwa Lesa. [uw-CW ibu. 52 para. 11]
5. Umusha uwalondololwa pali Luka 19:20-24, uwapokelele imondo imo no kuisunga iyafungwa mu musembelo, aali no mulandu wa lubembu lwa misuula. [gt-CW icipa. 100]
6. Ukupitila mu kubombesha no kuipeelesha kwakumanina kuli Lesa, Umwina Kristu wa cine cine kuti anonka insambu sha bumi bwa muyayaya. [uw-CW ibu. 36 para. 13]
7. Abena Korinti wa Ntanshi 2:9 alosha kuli Paradise wa pe sonde uwa ku nshita ya ku ntanshi. [uw-CW ibu. 26 para. 12 (3); moneni w85-CW 9/15 ibu. 30.]
8. Te kuti tweshe ukusunga imyendele yabulwa bucishinka nge ishacindama, nelyo fye cingati yalibe yaseeka mu calo. [uw-CW ibu. 53 para. 13]
9. Ilumbo 49:15 kulumbulula kwa citetekelo mwi subilo lya kubuuka. [Ukubelenga kwa Baibolo ukwa mulungu no mulungu; moneni w89-CW 3/1 ibu. 22 para. 13.]
10. Inshita shimo ukulembelekwa ku kuibimba mu myendele ya ku calo kufuma ku muntu umbi uuitunga ukubombela Yehova. [uw-CW ibu. 43 para. 11]
Asukeni ifipusho fyakonkapo:
11. Ukushipikisha cinshi? [om-CW ibu. 164 para. 1]
12. Kwebekesha kushaiwamina nshi Ilumbo 27:10 litupeela? [Ukubelenga kwa Baibolo ukwa mulungu no mulungu; moneni w92-CW 3/15 ibu. 22 para. 17.]
13. Mimwene nshi iyalubana iyo bakacita wa fibi bashalapila bakwata iyo Ilumbo 10:13 isokolola? [Ukubelenga kwa Baibolo ukwa mulungu no mulungu; moneni w91-CW 11/1 ibu. 6.]
14. Ukulingana no Ukufuma 9:15, 16, cinshi capwishishiwe ku nshila ya kwa Yehova iya kubombelamo na Farao? [uw-CW ibu. 57 amapara. 6, 7]
15. Lumbula imimwene ibili mu yo pambi twingabebetelamo cintu tubelenga muli Baibolo mu kuba no kumwenamo. [uw-CW ibu. 27]
16. Cinshi cintu ukukambisha kwa kuti “mufyompeni” kupilibula, nga fintu kwalembwa mwi Ilumbo 2:12? [Ukubelenga kwa Baibolo ukwa mulungu no mulungu; moneni w86-CW 8/15 ibu. 20.]
17. Musango nshi uwa buntungwa Yesu alelandapo pali Yohane 8:32? [uw-CW ibu. 40 para. 6]
18. Ni ani wacitilwako icikope ku “mwanakashi” pa Ukutendeka 3:15? [uw-CW ibu. 30 para. 3]
19. Mulandu nshi Davidi engasosela kuli Yehova pa Ilumbo 51:4 ukuti, “Kuli imwe, kuli imwe mweka, e ko nabembuka,” lintu alishibe ukuti incitilo shakwe isha lubembu shali milandu ku bantunse banankwe? [Ukubelenga kwa Baibolo ukwa mulungu no mulungu; moneni w93-CW 3/15 ibu. 11 para. 13.]
20. Cinshi cali “ica muselu icipomona” mu mwanda wa myaka uwa kubalilapo, kabili cinshi cintu caba ilelo? (Mat. 24:15) [gt-CW icipa. 111]
Payanyeni ishiwi nelyo ilongo lya mashiwi yalekabilwa ku kupwishishisha ubulondoloshi bwakonkapo bumo bumo:
21. Pali Yobo 40:9, ‘Ukubulukuta’ mu kupalishako kulingisha ․․․․․․․ cikalamba, kabili pali Yobo 41:29, “ifisonsonkoto” mu kumonekesha filelosha ku fyashalako kufuma ku ․․․․․․․ ishishala mwi bala pa numa ya kulobolola. [Ukubelenga kwa Baibolo ukwa mulungu no mulungu; moneni it-2 amabu. 1040 na 1098.]
22. Ishiwi lya cine cine ilya kwa Yehova lyalyumfwike lintu Yesu ․․․․․․․, pa nshita ya ․․․․․․․, na pa Nisani 10, 33 C.E., lintu apepele kuli Wishi pe ․․․․․․․ mu Yerusalemu. [gt-CW icipa. 104]
23. AbaFarise balesusa ․․․․․․․ mu mwangashi wabo pa mulandu wa kuti mu nshila ya kusefya kali akakowela, nalyo line balesuula ubulungi, uluse, na bucishinka, ifingalinganishiwa ku kumina ․․․․․․․ , iili na yo ine ni nama yakowela mu nshila ya kusefya. [gt-CW icipa. 109]
24. Apantu Satana abomfeshe ubufi pa kuti engatungulula abafyashi besu aba kubalilapo mu lubembu, Yesu amwitile pamo nga ‘․․․․․․․.’ [uw-CW ibu. 53 para. 13 (1)]
25. Yesu Mwana ․․․․․․․ uwa kwa Lesa pa mulandu wa kuti e umo fye eka uwabumbilwe na Yehova eka. [uw-CW ibu. 29 para. 1]
Saleni icasuko calungama mu bulondoloshi bwakonkapo bumo bumo:
26. Yobo amwene Lesa, nga fintu calembwa pali Yobo 42:5, ni mu kuti (alikwete icimonwa ca kwa Lesa mu nkuuka; alimwene malaika ukumonekela pa ntanshi yakwe; aishile mu kwishiba Yehova mu kubamo isenge kwacilapo). [Ukubelenga kwa Baibolo ukwa mulungu no mulungu; moneni w88-CW 8/15 ibu. 12 para. 11.]
27. Umwanakashi uo Yesu alosesheko pali Mateo 26:13 aali ni (Maria, inkashi ya kwa Lasaro; Maria, muka Klopa; Maria umwina Magadala). [gt-CW icipa. 101]
28. Amapaka ayaomonwa, nga fintu calembwa pa Ilumbo 11:3, yalosha (ku mapaka ye tempele lya mu Yerusalemu; kuli Yesu Kristu pamo nge Libwe lya pa Cifutu; ku mapaka pantu sosaite yashintilila, pamo ngo bulungi, ifunde, no muyano). [Ukubelenga kwa Baibolo ukwa mulungu no mulungu; moneni w86-CW 8/15 ibu. 20.]
29. Yesu aitile abatumwa (Petro na Andrea; Filipi na Bartolomeo; Yakobo na Yohane) “Abana ba kubuluma kwa mfula” pa mulandu wa mibele yabo iyapalo mulilo. [gt-CW icipa. 98]
30. Ifikansa fikalamba fintu Satana aimishe lintu asonsombele insambu sha kwa Lesa isha kuteka ne nshila Yakwe iya kutekelamo mu cishinka fyasanshishemo (insambu sha buntunse; icipusho ca wali uwa maka yonse; bumulopwe bwa mu kubumbwa konse ubwa kwa Lesa). [uw-CW ibu. 46 para. 1]
Linganyeni amalembo yakonkapo ku bulondoloshi butantikwe pe samba:
Ukute. 3:1-5; Amalu. 24:1; Imil. 8:32-38; Heb. 10:26, 27; 1 Pet. 4:3, 4
31. Ukwishiba ukuti umuntu ne sonde fyaba bubumbo bwa kwa Lesa no kuti fyonse fya kwa Yehova kulingile ukutwaafwa ukuba abaicefya kabili aba cumfwila. [uw-CW ibu. 39 para. 4]
32. Tulingile ukuba abasakamana nga nshi ukusengauka ukwingila mu cibelesho ca kucite fintu ifyo twishibe ukuti filafulwisha Yehova. [uw-CW ibu. 33 para. 8 (3) na 8 (4)]
33. Ukwishiba kwalungikwa ukwa Baibolo no kutesekesha ubukombe bwa iko kulasesha abapale mpaanga ku kubatishiwa. [uw-CW ibu. 32 para. 7]
34. Nangu cingati kuti pambi wabomba na bashasumina nelyo ukuya ku sukulu na bene, ulanga ukuti tausala bene nga aba kubishanya na bo pa kusengauka ukubishanya kushakabilwa konse na bene. [uw-CW ibu. 44 para. 13]
35. Cili icakatama ukuti tusengauke ukutontonkanya kwa ku calo uko kusonga abantu ku kusumina ukuti balepusulwa nga ca kuti te kuti bemike ifipimo fyabo fine mu bumi. [uw-CW ibu. 46 para. 1]