Ukubilisha

◼ Ulupapulo lukabomfiwa mu September: Kuti Waikala Kuli Pe na pe muli Paradise Pe Sonde. October: Ukulembesha kwa Loleni! nelyo Ulupungu lwa kwa Kalinda nelyo bamagazini bonse babili. November: New World Translation of the Holy Scriptures mu kuba ne citabo ca Baibolo—Cebo ca kwa Lesa Nelyo ca Muntu? December: Umuntu Wakulisha Uwabalile Abako Uwa Mweo. ISHIBENI: Ifilonganino ifyo fishilati fipushe ifitabo fya kampeini ifilumbwilwe pa muulu filingile ukucite fyo pali formu wa Kwipushishapo Ifitabo (S-AB-14) uwa cila mweshi uukonkelepo. Twapaapaata ipusheni bamagazini balundwako abalekabilwa ku kwananya mu October.

◼ Kangalila wa kutangilila nelyo umbi uwasontwa na wene alingile ukupenduluka mu maakaunti ya cilonganino pa September 1 nelyo mu kwangufyanya nga nshi pa numa. Bilisheni ku cilonganino lintu ici cacitwa.

◼ Bakasabankanya balepanga ukubomba nga bapainiya ba kwafwilisha mu October balingile ukutuma apa kwipushisha pabo mu kubangilila. Ici cikasuminisha baeluda ukucita imitantikile ikabilwa iya fitabo ne cifulo ca kubombelamo.

◼ Baeluda balecinkulwako ukukonka amakambisho yapeelwa pa mabula 21-3 aya Ulupungu lwa kwa Kalinda ulwa April 15, 1991, ukukuma ku bantu batamfiwa abali bonse nelyo abaifumya abo pambi bengakongamina ku kubweshiwa.

◼ Abali bonse ababishanya ne cilonganino balingile ukutuma ukulembesha konse ukupya no kulembesha cipya cipya ukwa Ulupungu lwa kwa Kalinda na Loleni!, ukusanshako ukulembesha kwa pa lwabo, ukupitila mu cilonganino.

◼ Sosaite taipayanishisha ukwipusha kwa bakasabankanya umo umo ukwa fitabo. Abo abalefwaya icipe ca kulungatika kuti baishibisha umubomfi wa fitabo, uyo mu kwangufyanya akasansha cene pa kwipusha kwa cilonganino ukwa cila mweshi ukwa fitabo. Kangalila wa kutangilila alingile ukutantika ukubilisha cila mweshi pa ntanshi ukwipusha kwa cilonganino ukwa cila mweshi ukwa fitabo takulatumwa ku Sosaite pa kuti bonse abalefwaya ukukwatako ifitabo fya pa lwabo kuti baishibisha munyina abombela ku fitabo.

◼ Nga fintu cabilishiwe mu Ubutumikishi Bwesu Ubwa Bufumu, ubwa June 1994, October 29, 1994, bukaba Bushiku bwa Magazini ubwaibela. Bakangalila ba mulimo balecinkulwako ukupanga imitantikile isuma iya mulimo wa mwi bala pali bulya bushiku.

◼ Impapulo Ishilipo:

Chitonga: Sing Praises to Jehovah (Aka katabo kapya aka nyimbo akakwete inyimbo 29 pa mutengo wa K240.00 kuli bakasabankanya na K160.00 kuli bapainiya.) IciNgeleshi: Watch Tower Publications Index 1991-92, Amabaundi volyumu ya 1993 Watchtower na Awake! Lunda: Ipakishe Ubumi pe Sonde Kuli Pe na Pe! Silozi: Sing Praises to Jehovah (Aka katabo kapya aka nyimbo akakwete inyimbo 29 pa mutengo wa K240.00 kuli bakasabankanya na K160.00 kuli bapainiya.)