Ukupitulukamo kwa Kulemba Ukwe Sukulu lya Butumikishi bwa Teokratiki
Ukupitulukamo pa fitabo fyaisalwa pa fyebo fyafimbilwe mu kupeelwe mbali kwe Sukulu lya Butumikishi bwa Teokratiki ukwa milungu ya September 5 ukufika ku December 19, 1994. Bomfyeni ipepala lya pa mbali ku kulembapo ifyasuko ku fipusho fyafulilako ukufika pantu mwingapesha mu nshita ipeelwe.
[Ishibeni: Mu kati ka kupitulukamo kwa kulemba, ni Baibolo fye ingabomfiwa ku kwasuka icipusho icili conse. Ifya kuloshako ifikonkele pa fipusho fya kusapika kwa pa lwenu. Amanambala ye bula na paragrafu te kuti pambi yamoneke pa fya kuloshako fyonse ku Ulupungu lwa kwa Kalinda.]
Asukeni ubulondoloshi bwakonkapo bumo bumo Cine nelyo Bufi:
1. Satana mu bucenjeshi abeleleka abantu ukwikusha ukufwaisha kwa lyonse mu nshila shalubana. [uw-CW ibu. 65 para. 9]
2. Sheol, Hades, na Gehenna fyonse filosha ku nshishi ya cinkumbawile iya mutundu wa muntu. [uw-CW ibu. 72 para. 6]
3. Apantu ukufikilishiwa kwa Ilumbo 110:1, 2 kutanunukila mu nshiku sha kulekelesha isha cino calo, ifi ifikomo fitwaafwa ukumfwikisha ukuti ubusesemo bwa kwa Yesu pa lwa kusondwelela kwa micitile ya fintu tabwapeleshiwe fye ku bonaushi bwa Yerusalemu mu 70 C.E. [Ukubelenga kwa Baibolo ukwa mulungu no mulungu; mona w94-CW 2/15 ibu. 12 para. 17.]
4. Sanhedrin yali Cilye Casumbuka ica ciRoma ica filundwa 71 ico cakumene mu Yerusalemu. [gt-CW icipa. 119]
5. “Bakateka ba calo” (NW) baloshiwako pa Abena Efese 6:12 ni ntungulushi sha bupolitiki ishapaatulwako kufuma ku bubile bwa kwa Lesa. [uw-CW ibu. 63 para. 4]
6. Amamilioni abakabuushiwa ukufuma ku bafwa bakapingulwa ukulingana ne ncitilo bacitile ilyo tabalabuuka. [uw-CW ibu. 75 para. 12]
7. Mu kulunda pa kubomba nga Kawikishanya wa cipingo cipya, Yesu umwine acitile cipingo ca Bufumu na batumwa bakwe aba bucishinka. [gt-CW icipa. 115]
8. Ulubatisho lwaba, mu lwine lweka, cishininkisho ce pusukilo. [uw-CW ibu. 100 para. 12]
9. Lintu Yesu apepele ukuti: “Tata, nga mwafwaya, fumyeni pali ine ulukombo ulu,” alelomba ukupokololwa ukufuma ku mfwa. (Luka 22:42) [gt-CW icipa. 117]
10. Ukulingana na Ilumbo 58:4, ngoshe taba na maka ya kumfwa. [Ukubelenga kwa Baibolo ukwa mulungu no mulungu; mona it-1 ibu. 485.]
Asukeni ifipusho fyakonkapo:
11. Ukwishiba ukuti Yehova alaliisha ifyuni kabili alafwika amaluba mu kuyemba kulingile ukwilululako ababomfi bakwe aba buntunse pa lwa masakamika nshi? [uw-CW ibu. 87 para. 3]
12. Nga fintu calondololwa pa Ilumbo 58:3-5, ni mu nshila nshi ababifi bapalila insoka? [Ukubelenga kwa Baibolo ukwa mulungu no mulungu; mona w86-CW 10/15 ibu. 30.]
13. Mu kumfwana na Abena Efese 5:3-5, ni pa cishinte nshi pantu Umwina Kristu washilimuka akakaanina inyimbo shimo isho shingakwata iciunda cisuma, iŋoma ya kucebusha, nelyo iŋoma yatwalilila? [uw-CW ibu. 67 para. 12]
14. Cinshi cintu Baibolo ipilibula pa Ukusokolola 20:14, apo itila Hades ‘yapooselwe muli bemba wa mulilo’? [uw-CW ibu. 75 para. 12]
15. Ni pa cishinte nshi impaanga ne mbushi bapingwilwa mu mulumbe wa kwa Yesu pali Mateo 25:31-46? [gt-CW icipa. 111 para. 43]
16. Nga ca kuti Nisani 11, 33 C.E., yapwile pa kuwa kwa kasuba pali Cibili, ni lilali lintu Nisani 14 yatendeke no kupwa? [gt-CW icipa. 112]
17. Cipilibula cinshi ukubatishiwa mwi shina lya kwa Tata ne lya Mwana ne lya mupashi wa mushilo? [uw-CW ibu. 98 para. 9]
18. Ni mu nshila nshi abasambi ba kwa Yesu baali no kucitila imilimo iyacila pa yo acitile, nga fintu abilishe pali Yohane 14:12? [gt-CW icipa. 116 para. 6]
19. Cinshi cabo “mwa kufisama ku Wapulamo” umwaloshiwako pa Ilumbo 91:1, kabili cinshi tufwile ukucita pa kwikala mulya? [Ukubelenga kwa Baibolo ukwa mulungu no mulungu; mona w93-CW 12/15 ibu. 12; w86-CW 12/15 ibu. 29.]
20. Mulandu nshi Yesu engasosela pali Yohane 16:33 ukuti alicimfishe icalo? [gt-CW icipa. 116 para. 37]
Payanyeni ishiwi nelyo ilongo lya mashiwi yalekabilwa ku kupwishishisha ubulondoloshi bwakonkapo bumo bumo:
21. Nga fintu calangwa mu mulandu wa kwa Yobo, Satana apampamina pa kuti twaba abasekelela maka maka mu fikwatwa fya ku ․․․․․․․, ubusuma bwesu bwine no butuntulu, no kuti inkuntu yesu mu kubombela Lesa yaba ․․․․․․․. [uw-CW ibu. 93 para. 13]
22. Lintu Yesu alelubulushiwa mu lufyengo, ․․․․․․․ aali e kateka mu Yudea, kabili ․․․․․․․ aali kateka mu Galili. [gt-CW ifipa. 121, 122]
23. Mu kumfwana na cintu ․․․․․․․ alondolwele pali Luka 3:16, pa Pentekoste 33 C.E., abasambi ba kwa Yesu intanshi babatishiwe ku ․․․․․․․; mu 70 C.E., abaYuda bashalapila balibatishiwe mu ․․․․․․․. [uw-CW ibu. 96 para. 4]
24. Ulubatisho lwa kwa Yesu mu ․․․․․․․ lwatendeke mu 29 C.E. lelo talwapwishishiwe ukufikila mu cishinka ․․․․․․․ no ․․․․․․․. [uw-CW ibu. 97 para. 6]
25. Imbali sha cipingo cipya ni ․․․․․․․ na ․․․․․․․. [gt-CW icipa. 114]
Saleni icasuko calungama mu bulondoloshi bwakonkapo bumo bumo:
26. Mu kumonekesha, “imilungu” yaloshiwako mu Ilumbo 82 yaba ni (Satana ne fibanda; imilungu ya cisenshi iya nko; abaume abaali ni bakapingula ba kwa Israele). [Ukubelenga kwa Baibolo ukwa mulungu no mulungu; mona w86-CW 12/15 ibu. 28.]
27. Imifwaile ikalamba iya kwisa kwa kwa Yesu pa calo yali (kupususha umutundu wa muntu; ukupanga abasambi; ukushimike cine ubunte). [gt-CW icipa. 122]
28. Nga ca kuti twakumanya ukumanama kwa ku mubili nelyo ukulufya ifya ku mubili, Ciwa kuti atemwa ukutumona (ukucindika Yehova no kushinina Ciwa uwa bufi; ukupeela Lesa umulandu no kubulwa bucishinka; ukushipikisha nga fintu Yobo acitile). [uw-CW ibu. 60 para. 13]
29. Pa kupeelwa umulandu ukwa mbali shitatu ukwacitilwe ne ntungulushi sha butotelo bwa ciYuda ku kulwisha Yesu, nga fintu kwalembwa pali Luka 23:2, ukupeela umulandu ukwasakamike Pilato kwali kwa kuti Yesu (alealula uluko lwa ciYuda; alelesho kutuula imisonko kuli Kaisare; aletila umwine wine e Kristu imfumu). [gt-CW icipa. 121]
30. Pa Ilumbo 63:3, Davidi mu cishinka alesosa ukuti ukukwata ukwampana kushaiwamina na Yehova kwali (icintu cacilishapo kuwama icalenga bubili mu bumi; icawama fye ngo bumi; icaumo mutengo ukucila fye na pa bumi bwine). [Ukubelenga kwa Baibolo ukwa mulungu no mulungu; mona w85-CW 4/1 ibu. 4.]
Linganyeni amalembo yakonkapo ku bulondoloshi butantikwe pe samba:
Ilu. 86:1, 2; Mat. 26:52; Yoh. 13:1-17; Yoh. 15:8; Heb. 13:5, 6
31. Te mulandu no kusumbana kwa mitengo no kubulwe ncito ukwayanana, kulila fye tulepilikita fwe bene mu kumfwana ne citetekelo cesu, Yehova akashininkisha ukuti natukwata cintu tulekabila mu cituntulu. [uw-CW ibu. 89 para. 6]
32. Abena Kristu ba cine tababa ulubali lwa calo; e ico, tabalukila ku fyanso fya ku mubili. [gt-CW icipa. 118; mona w94-CW 6/1 ibu. 12.]
33. Nangu cingati kuti twacula ukufuma ku masakamika no kupopomenwa pa mulandu wa mpika shintu twakwata, kuti twaba abacetekela ukuti Yehova akalwila ukusakamana kwakwe kuli ili isonde no kukutika ku mapepo yesu aya kuicefya. [Ukubelenga kwa Baibolo ukwa mulungu no mulungu; mona w92-CW 12/15 ibu. 9 amapara. 3, 4.]
34. Mu cine cine kuti twakatamika Lesa pa kulangisha imibele yapala iya kwa Kristu, ukucilisha ukutemwa, na pa kwakana mu kukumanina ukufika apo twingapesha mu mibombele ya kupanga abasambi. [gt-CW icipa. 116 para. 19]
35. Pamo nga Abena Kristu tulingile ukuba abaitemenwa ukubombela bambi ukwabula akapaatulula, te mulandu na fintu umulimo pambi wingaba uwa pa nshi nelyo uushawama. [gt-CW icipa. 113]